Tala I Vaifanua

MALAGA AUTALAVOU VAILOA I SAVAII & UPOLU

O le Aumalaga a le Autalavou Ekalesia Fa’apotopotoga Kerisiano i Amerika Samoa i Vailoatai ua avea ma se tasi o mata’aga mo fanau talavou, aua o i latou fo’i o lo’o peseina vi’iga o le Atua i le tatou fata faitaulaga i aso Sa ta’itasi.

Peita’i, ua tapena i latou mo lenei malaga fa’apitoa aua o le a atoa i ai le 69 tausaga o le soifua o le tatou Tama Fa’aleagaga, Rev. Faletoi Uso, ma afai loa ae atoa le 70 atusaba o lona soifua, ona pensione loa lea ma ua muta ai le la’ua tautua matavela i le afio’aga ma le Ekalesia.

Ona o le aso soifua o le fa’afeagaiga e pa’u tonu i lenei Masina, o lea ua tu’uva’a atu ai Iatou mo se maimoaga I le motu tele I Salafai, ma sa o ese atu ia Juni 30. O le a faia le tatou so’o ma Sapapali’i i Savaii, e fia maimoa i le Malae o Mataniufeagaimaleata, lea na mua’i suluia i le malamalama o le Atua i le taeao o le Talalelei ua so’o ai Samoa.

Ua fa’amautu uma i latou i le “Tanu Beach Fales” ma le “Stevenson’s” i Manase. Ona soso’o lea ma le latou fa’amanatuga o le aso soifua o Rev. Uso i le aso ananafi, Iulai 4, ua atoa i ai lona 69 tausaga. O le atoaga fo’i lea o le 43 tausaga talu ona tautua i le afioaga ma le Ekalesia i Vailoatai.

O le aso 5 Iulai e tu’ua ai e Ie aumalaga le motu tele i Salafai ae malaga i Upolu, e nonofo ai mo le isi lua aso e fa’aso’o le tafaoga i Upolu, ma o le a api i Saoluafata, lea e tautua ai se tasi o tama fanau a Vailoatai, Rev. Limua’a Samuelu ma le faletua ma le fanau, mo le latou so’o ma se mafutaga iina. O Rev. Samuelu o se alo e fa’asino ia Samuelu Olo ma Simalua Manase Olo, lea sa avea ma Fa’afeagaiga i Vailoatai mo le tele o tausaga.

O le a alaalata’i le Autalavou EFKAS i le Samoa Hacienda i le aso To’ona’i, Iulai 8 ma auai i le Sauniga EFKS i Malie, a’o le’i tu’ua Samoa ma taliu mai ai i fanua ia Iulai 11 & 12, 2017.

TATALA MASINA FA’APITOA “CDC / RCH - SOIFUA MALOLOINA”

Ona o le tulaga maoa’e ua i ai nei le aofa’iga o le fanau talavou ua a’afia i ma’i fatu, lea ua fa’aosofia ai le aufaigaluega ma le Matagaluega o le Soifua Maloloina, ina ia avea lenei vaitau, ma taimi aoga tele e fa’afiafia ai fanau a le atunu’u i ta’aloga e ao ina fa’aafu ai le tino, ma fa’aaoga ai le mea taumafa ua maea tausamia e i tatou, ma fa’aitiitia ai le so’ona mamafa o tino, ma atili ai ona faigofie ona mama i latou i ma’i fatu, toto maualuga ma le ma’i suka fo’i, atoa ma le so’ona mamafa o tino.

Na matua fa’atumulia le malae o le Suigaula a le Atuvasa i Utulei i le mamalu o le fanau talavou, sa latou fa’aaoga tatau tapenaga uma o ituaiga o ta’aloga eseese sa faatautaia ina ia fa’amalositino ai i latou, ma fa’aalu ai le afu.

E ui ina sa le susulu tele le la aua o se aso taupaolo ma timu ae na va’aia le pisi o le fanau i ta’aloga fa’ase’e, Beach Volleyball ma ‘au’auga sa fa’atino e le fanau i le sami. O le to’atele o fanau sa auai ua iloga o i tatou fo’i nei ua matauina ua amata ona maua i gasegase tau le fatu, ma ua faia talavai ina ia tima’ia e taofiofi le toe fa’aopoopoina o latou mamafa.

O aiga sa auai uma ma sa faia fo’i nai mea taumafa mama ma fa’amamafa lava le inumia o le suavai ae aua le tagofie meainu suamalie. O le utagia lava o nei fautuaga e amata ai ona fa’alalo le so’ona mamafa o le tino, ma amata ai ona tineia ma’i tumau o le fatu o lo ua atagia mai le o’o i ai o nei fanau talavou pe a fa’aauau pea ona le fa’amalositino i latou. Fa’afetaia fo’i lea auaunaga aua sa va’aia le tumutumu o le malae i Utulei i le to’atele o fanau a le atunu’u.

5.9 KALAMA ‘AISA - MAUA MALAE VA’ALELE FAGALI’I

E tusa ai i lipoti mai Samoa tutoatasi, o lo’o taua ai na taofia ni tamaloloa se to’alua i le malae va’alele i Fagalii ia Iuni 28 ina ua taumafai i la’ua e ava’ese atu se afifi mai le kamupani va’alele sa maua ane ai o lo’o i ai le fuala’au fa’asaina o le aisa.

Fa’ailoa e le ali’i Sui Komesina o Leoleo i Samoa, Sala’a Moananu Sala’a, na su’ea ma ua iloa tonu o le ‘aisa, o le fuala’au fa’asaina, ma taofia loa sepia o’o ane se tasi e fia ave’esea le afifi. O ali’i e to’alua, 42 tassata ma le 45 tausaga le matutua, sa o’o ane mo lea afifi.

O le mamafa o le ‘aisa sa i le afifi e 5.9kalama, peita’i o tamaloloa e to’alua ua taofia nei, o i la’ua nei sa o’o ane mo le afifi, o lo’o taua sa avatu i Amerika Samoa.

Saunoa Sala’a, “E pau le mea e fa’afetaia ai le mata’alia o Leoleo i le Malaeva’alele, ona ua mafai ona maua le vaega lea, ua maua ai fo’i se ala e sailia atoa ai nisi o latou auau fa’atasi i lea soligatulafono. E tele fo’i fa’afesili e alia’i mai lea mataupu ma ua faaaogaina fo’i feso’ota’iga lelei i le va o Matagaluega o Leoleo i malo na lua, ina ia vave ona maua se ‘auga o le fa’amoemoe, o le mea fo’i lea ua tolopo la’ititi i tua le mataupu i le fa’amasinoga o nei sui, se’ia sailiili le lei lava le mataupu.”