Tala I Vaifanua

A’OGA AFIAFI FANAU A’OGA MATAFAO ELEMENTARY

Ua e le Fa’atonu faaolioli o A’oga, Dr. Ruth Matagi-Tofiga le fa’atautaia o le a’oga afiafi mo le fanau a’oga ua mataituina e faia’oga, o lo’o mana’omia e i latou se galuega fa’aopoopo a faiaoga ina ia faitau ma le malamalama i tusi fa’aperetania atoa ai ma le Numera. O se tasi lea o tala fiafia na fa’ailoa ane e le tama’ita’i pule a’oga Dr. Fa’aletino Roberts i le vasega o faia’oga i le latou fonotaga faalemasina sa faia Ianuari 30.

“Ua pasia mai uma e faia lenei a’oga fa’apitoa mo fanau o fia maua le fesoasoani ia si’itia le latou tomai i le faitau tusi ma le malamalama toto’a ai i mea o faitau, ae maise fo’i o le fa’aleleia o latou togi i le Numera. O se isi mea fiafia tele ai tatou aua o le a totogia itula nei o faia’oga e fa’atautaia nei vasega,” o se fa’amatalaga lea a Dr. Roberts.

Ua fa’atulagaina le aofaiga e 75 tamaiti a’oga e tatau ona mataituina ma filifilia lelei e faia’oga ona pasia lelei lea e le Faufautua fa’apitoa. A mae’a lea ona toe taua’aoina lea i le Pule A’oga na te tusia tusi i matua ina ia talia mai le auai o lona alo i nei vasega afiafi e fesoasoani ai i latou alo i nei mataupu e lua. Ua fa’ailoa mai fo’i e i ai lava faia’oga o nei mataupu o lo ua fa’atulaga, ina ia le motusia lava se vasega ua leai se faia’oga.

“O le tatou vasega lea ua pasia le taimi e 3:30 seia oo i le 4:30 i le afiafi. Tautuana e ao ina fa’ailoa vave e le faia’oga i lona sui faia’oga pe afai e i ai se fa’aletonu o le a le auai ai e fa’atautaia le vasega. Ia matuinoa e le o maumau le taimi o le fanau, ae le o fa’amaoni tatou i le a’oa’oga e ao ina latou maua,” o se isi lea fa’aopoopo a le tama’ita’i pule aoga.

“O lenei se tausaga ua lelei mai, aua o lea ua maea pasia mai tou itula e totogia, o lona uiga o se mea lelei, e faia lava ou itula e pani ma fado’o nei fa’amaumauga uma i le Ofisa o Aoga mo out totogi,” se toe fa’amautu ane lea a Dr Roberts i le vasega o faia’oga uma a Matafao.

LESITALA MO AU FA’AFIAFIA SISIGAFU’A 2017

Ua fa’alauiloa aloa’ia i le mamalu o Autalavou, Sosaiete, sa masani lava ona fa’afiafia, ona e le’i mautu a’ia’i ni vaega ma ituaiga fa’afiafiaga o le a fa’amanatu ai le sisigafu’a o lenei tausaga, ae maea fa’aoo atu le faailo e amata tapenapena lau vaega ina ia fa’aulu la outou fa’afiafiaga i le aso 6 Fepuari.

Ua fa’ailoa mai fo’i e le susuga le Fa’atonu Sili o le American Samoa Council on Arts Culture & Humanities, Tofa Paogofie Fiaaoga, “O lo’o loma nei le fonotaga a le matou Komiti Fa’afoe i le aso Faraile ina ia autasia i matou uma i ituaiga fa’afiafiaga e tatau ona fa’amatagofie ai le tatou Sisigafu’a i lenei tausaga. Peita’i, ua fa’avave ona fa’alauiloa atu lea fa’asalalauga mo sosaiete, autalavou, kamupani ma so’o se ituaiga fa’alapotopotoga, ina ia latou iloa ua oo foi i le vaitau e amata ai ona lesitalaina aufa’afiafia o le 2017.”

I le tausaga ua te’a, e 26 le aofai o aufa’afiafia na pasia lelei a latou fa’afiafiaga o so’o se ituaiga ma sa ta’i 6-8 au fa’afiafia i afiafi ta’itasi. Peita’i, ua fa’ailoa mai e le sui iloga fo’i o lea matagaluega, “Se fa’aulu mai e iloa lava le talenia o tatou tagata pe a su’ifefiloi fo’i le tatou vaitau o fa’afiafiaga esse o lo’o tatou fiafia ai i le Motu o Fiafiaga.”

OLA MO KERISO: EFKAS TAFATOLU i KALEFONIA

Na fa’atasi atu le tatou Sui Mamalu i le Konekeresi, Aumua Amata i le fa’atasiga a le Tafatolu EFKAS i Kalefonia i Amerika, ma ua fa’aautu lea mafutaga “Ola mo Keriso: Ia ola, tautua, fa’amaoni mo Keriso.” O se molimau sili na fa’ailoa mai e le tofa Aumua sa ia fa’apea ai, “Ua iloga le tautua a o tatou tagata, i so’o se vaipanoa, mamao pe tu lata i lea malumalu i San Diego, ae le fo’i tagata Samoa i lo latou soifua tautua ma le fa’amaoni i lona Atua.”

O le Tafatolu lea i San Diego, ae malaga mai tagata Samoa mai so’o se itu o Kalefonia ina ia osi fa’atasi le taulaga i le Atua, e matua ese ai le silafia e isi tagata nu’u ese o lo’o latou matauina lea tu ma aga a tatou tagata, ona e aufa’atasia o latou lagona e fa’amaopoopo ma glaulue fa’atasi o se aiga to’atele. O lea fa’atasiga sa faia ia Ianuari 29.