Lapataia le atunu’u ina ia fa’aauau pea puipuiga mo le saogalemu

O le avea ai o le masina o Novema ua mavae atu atoa ai ma le masina lenei o Tesema, o ni isi o masina o le tausaga o lo o fa’atauaina ai e le Matagaluega o le Soifua Maloloina, le Falema’i o le LBJ, atoa ai ma Faalapotopotoga Tumaoti puipuiga mo le atunu’u, fa’asaga i le tele o fa’ama’i pipisi o lo o a’afia ai le to’atele o tagatanu’u, ua lapataia ai le atunu’u atoa ina ia fa’aauau pea puipuiga mai le a’afia i le tele o nei ituaiga gasegase e aofia ai le Zika, ma’i suka, fa’apea ai ma puipuiga mo le gasegase mata’utia o le AIDS.

Na taua e se tasi o sui sinia o le Fa’alapotopotoga Tumaoti e tete’e atu i fa’ama’i pipisi i le atunu’u ia Analisa Fatu e fa’apea, o fa’amaumauga e pei ona tu’uina mai e le Falema’i o le LBJ, ua atagia mai ai le aga’i pea lea i luga o le aofa’i o tagata o lo o a’afia i ‘auga o le gasegase o le zika.

“O le agaga atoa o Fa’alapotopotoga o lo o galulue fa’atasi ma le Matagaluega o le Soifua Maloloina, ia fa’aauau pea aoaoga mo le atunu’u ina ia nofouta ai ma malamalama i auala e puipuia ai i latou mai le namu o lo o feavea’iina le siama e mafua ai ‘auga o le ‘zika”, o le saunoaga lea a Fatu i le Samoa News.

Sa ia taua fo’i e fa’apea, tusa lava pe ua foliga mai ua tau le vaaia le pipisi o lenei gasegase i le atunu’u, e tatau lava i soo se tasi ona fa’amalosia tulaga o le puipuiga.

Na taua e le ali’i foma’i ia Tamasoali’i Dr. Joseph Tufa i le Samoa News le fa’aauau pea lea o aoaoga ma lapataiga mo le atunu’u ina ia nofouta i ‘auga o le fa’ama’i o le ‘zika’, ma ia vave logo le falema’i i soo se taimi e fa’alogoina ai suiga o fa’alagona o le tino.

Saunao le ali’i foma’i e fa’apea, o ni isi o tagata e fa’atalitali lava seiloga e oo atu i se tulaga matuia lo latou soifua maloloina ona fa’atoa nanati lea e vaai le foma’i, peita’i o le fautuaga mo le atunu’u atoa, e sili le vave vaai o le foma’i i soo se taimi e fa’alogoina ai suiga i le tino, ina ia vave faia i ai togafitiga ma foia ai le ono o o atu o le gasegase i se tulaga matuia ma ono a’afia ai se soifua o se tasi.

“O le agaga atoa o le Matagaluega o le Soifua Maloloina, ia fautuaina pea le atunu’u ina ia fa’ataua tulaga i le puipuiga o i latou ma le a’afia i le namu o lo o feavea’iina le siama o lenei fa’ama’i, fa’amama tafatafa o maota ma laoa ma aveese vaega e ono faigofie ona to’a ai le suavai ma mafai ai ona tu’ufua namu latou te feavea’iina le siama”, o le fautauga lea mai le ali’i fomai ia Dr. Tufa.

Lapataia le atunu’u ina ia fa’aauau pea puipuiga mo le saogalemu

tusia Ausage Fausia

O le avea ai o le masina o Novema ua mavae atu atoa ai ma le masina lenei o Tesema, o ni isi o masina o le tausaga o lo o fa’atauaina ai e le Matagaluega o le Soifua Maloloina, le Falema’i o le LBJ, atoa ai ma Faalapotopotoga Tumaoti puipuiga mo le atunu’u, fa’asaga i le tele o fa’ama’i pipisi o lo o a’afia ai le to’atele o tagatanu’u, ua lapataia ai le atunu’u atoa ina ia fa’aauau pea puipuiga mai le a’afia i le tele o nei ituaiga gasegase e aofia ai le Zika, ma’i suka, fa’apea ai ma puipuiga mo le gasegase mata’utia o le AIDS.

Na taua e se tasi o sui sinia o le Fa’alapotopotoga Tumaoti e tete’e atu i fa’ama’i pipisi i le atunu’u ia Analisa Fatu e fa’apea, o fa’amaumauga e pei ona tu’uina mai e le Falema’i o le LBJ, ua atagia mai ai le aga’i pea lea i luga o le aofa’i o tagata o lo o a’afia i ‘auga o le gasegase o le zika.

“O le agaga atoa o Fa’alapotopotoga o lo o galulue fa’atasi ma le Matagaluega o le Soifua Maloloina, ia fa’aauau pea aoaoga mo le atunu’u ina ia nofouta ai ma malamalama i auala e puipuia ai i latou mai le namu o lo o feavea’iina le siama e mafua ai ‘auga o le ‘zika”, o le saunoaga lea a Fatu i le Samoa News.

Sa ia taua fo’i e fa’apea, tusa lava pe ua foliga mai ua tau le vaaia le pipisi o lenei gasegase i le atunu’u, e tatau lava i soo se tasi ona fa’amalosia tulaga o le puipuiga.

Na taua e le ali’i foma’i ia Tamasoali’i Dr. Joseph Tufa i le Samoa News le fa’aauau pea lea o aoaoga ma lapataiga mo le atunu’u ina ia nofouta i ‘auga o le fa’ama’i o le ‘zika’, ma ia vave logo le falema’i i soo se taimi e fa’alogoina ai suiga o fa’alagona o le tino.

Saunao le ali’i foma’i e fa’apea, o ni isi o tagata e fa’atalitali lava seiloga e oo atu i se tulaga matuia lo latou soifua maloloina ona fa’atoa nanati lea e vaai le foma’i, peita’i o le fautuaga mo le atunu’u atoa, e sili le vave vaai o le foma’i i soo se taimi e fa’alogoina ai suiga i le tino, ina ia vave faia i ai togafitiga ma foia ai le ono o o atu o le gasegase i se tulaga matuia ma ono a’afia ai se soifua o se tasi.

“O le agaga atoa o le Matagaluega o le Soifua Maloloina, ia fautuaina pea le atunu’u ina ia fa’ataua tulaga i le puipuiga o i latou ma le a’afia i le namu o lo o feavea’iina le siama o lenei fa’ama’i, fa’amama tafatafa o maota ma laoa ma aveese vaega e ono faigofie ona to’a ai le suavai ma mafai ai ona tu’ufua namu latou te feavea’iina le siama”, o le fautauga lea mai le ali’i fomai ia Dr. Tufa.