E FAI O LENEI AE O LENA

“UA TATOU TAUNU’U EA?”

Sa alu se faigamalaga a le masaga o Toma ma Tina i le taulaga e asiasi i le nofoaga e tu’u ai manu ‘ese’ese.

Na le mafai ona nofo lelei le masaga i le fiafia ma le fia vave o’o i le mea o lo’o faimalaga iai.

E le’i umi ona alu le faigamalaga a le aiga a Toma ma Tina, ae ua amata ona lelava ia Toma ma Tina.

“Ua tatou taunu’u ea?” o le fesili lea a Toma.  “E leai.  E le’i taitai lava tatou taunu’u,” o le tali ata mai lea a tina.

“Ae a pe a lua tilotilo i fafo o le fa’amalama o le ta’avale ma faitau pe fia ni taifau e te lua va’aia,” o le fautuaga lea a tina.

Sa faapea loa ona fai e Toma ma Tina, ae peitai, sa fai sina umi o tau autilo ia Toma ma Tina ae la te le’i iloa atu lava se ta’ifau.

“E leai ni taifau,” o le tomumu lea a Tina.  “Ua tatou taunu’u ea?”

“E leai, e tatou te le’i taunu’u,” o le tali mai lea a tama, a’o aveina le ta’avale.

“Ae a pe a usu se lua pese,” o le toe faapea mai lea a tina.

Ua faapea loa ona amata ona pepese Toma ma Tina ma talie. “Ua tatou taunu’u ea? Ua tatou taunu’u ea?  Ua tatou taunu’u ea?”

Ua fetilofa’i ia tama ma tina mai i le pito i luma o le taavale.  Ma e le’i umi lava ae taunu’u loa le faigamalaga a le aiga.

“Ua tatou taunu’u!” o le fe’ei a Toma ma Tina.

[IA MANUIA TOE FUAFUAGA O LENEI VAIASO]