E FAI O LENEI AE O LENA

O LE A SE MEAALOFA O LE KERISIMASI MO LOU AIGA?

Ua o’o mai le masina o Tesema.

Ma ua tau saili e Apelu ia se mea’alofa o le Kerisimasi mo lona aiga?

O lona aiga, o se aiga e to’atele ona tagata.

Ma sa fa’afaigata ia Apelu ona filifili se meaalofa ua alagatatau mo latou uma.

O si ona tina, o le a faatau mai sana tusi lanu piniki.  E fiafia lona tina i le lanu piniki, toe fiafia e faitau tusi.

Mo si ona tama, o le a fa’atau mai ni ona seevae fou.  Ia o ai seisi e le fiafia i ni seevae fou?

Mo tina matua, o le a aumai sona ofu mafanafana lima uumi.  Ma e fiafia o ia i le lanu samasama.

Mo si ona uso matua o La’au, o le a faameaalofa iai e Apelu ia se laupapa fa’ase’e (surfboard), e mafai ai ona faase’e i luga o peau o le sami i vaitaimi o le taumafanafana.

Ae mosi ona uso laititi, o Feleti, o le a fa’ameaalofa iai e Apelu ia se ata, o se taifau, aua e fiafia lava Feleti, i ata tusitusia.

Ae faapefea tina matua?  E fiafia tele o ia e pese ma ta ta lana ukulele.

Ua tonu loa ia Apelu, o le a faatau mai se kitara a tina matua, e mafai ai ona pese i le po masina.

Ae a tama matua?  Ua mafaufau, mafaufau ia le alii o Apelu, ona ia manatua lea, e fafia tama matua, i apu.

Ua fiafia lava Apelu i meaalofa ia ua ia mafaufau ai, mo tagata o lona aiga.

Ae a la oe?  O le a se mea o le a e fa’ameaalofaina atu i lou aiga?

[IA MANUIA LE KERISIMASI!]