TALA I VAIFANUA

Pago Pago - AMERIKA SAMOA

TALEPE LE PAIPA INA UA MUSU LE TINA E TU’U IAI LE TAAVALE

E tusa ai ma faamaumauga a le malo, o le aso 15 o Aukuso, na valaau ai se tina i le Ofisa a Leoleo i Fagatogo, e ripotia ai sona alo e 23 tausaga, ona o le faatupu vevesi i totonu o le latou Aiga.

Sa faamatala e le Tina, e faapea, o lea afiafi na alu atu ai lona alo, e igoa ia Mark Seumanutafa, e faanoi le taavale e ave ai sana tagamea.

Ae peitai, na alu le alii i le tau’ai mai i fafo ona lavalava, ona alu lea i le gagau le paipa a le latou aiga.

Sa talosagaina e le tina ia leoleo ina ia ave lana tama e loka i le falepuipui.

FALE FOU A LE SCHOOL LUNCH I TUA O LE FALEPUIPUI

O le taeao o le aso Tofi o le vaiaso ua mavae, na faapaiaina ai le fanua i tua o le falepuipui a le malo, lea o le a fausia ai se fale fou a le School Lunch Program.

I le saunoaga a le afioga i le Kovana, Lemanu P.S. Mauga, o le taua o le polokalama o le School Lunch, e le gata mo fanau aoga, ae faapea foi faifaatoaga ma pisinisi a le atunuu.

Na saunoa Lemanu i le taua o le lagolagoina o pisinisi tua, e ala atu i polokalama a le malo.

Ma sa ia ta’ua ai foi, le taua o le nofoaga ua filifilia e fausia ai lenei fale fou, ina ia faigofie ona afea e taavale, ma le lautele o le auala aua taavale e la’uina atu ai olia sii atoa.

Sa faaleoina e le Faatonusili o Aoga, le susuga ia Talauega Dr. Samasoni Asaeli, lona agaga faafetai i le aufaigaluega a le School Lunch, faapea ma le faamamafaina o le taua o la latou auaunaga mo le fanau.

E 500 aso ua faamoemoe o le a faatino ai lenei galuega, ae o le tau o le galuega, e $8.19 milliona.

LOLOGA TETELE I TONGA

O le faaiuga o le vaiaso, na aafia ai le aai tutotonu o Nuku’alofa, i Tonga i lologa tetele.

Lea na o’o ai ina tu’ua e tagata o latou aiga ma sulufai atu i aiga i nu’u tuaoi.

Na ripotia e mai e le vaega faasala lau o le Tonga Met Service, e ui ina ua maui atu lologa ae ua tele ni uaea eletise ua faaleagaina ai.