Fa’atulaga ia Tesema 01 polokalama Kerisimasi a tama ma tina matutua

Pago Pago - AMERIKA SAMOA

A’o aga’i atu i le fa’ai’uga o le tausaga ma ua lata mai le vaitau o aso fiafia, o lo o fa’aauau pea i le tausaga nei le fa’atauaina e le Faigamalo a Lemanu-Talauega le meaalofa o le Kerisimasi i tagata matutua o le teritori i le polokalame fa’aletausaga o le Kirisimasi a le Territorial Administration on Aging (TAOA) lea ua fa’atulaga mo Tesema. 01, i le DYWA Center i Tafuna.

“O se tasi o taumafaiga e sili ona a’afia ai le Kovana ma le Lutena Kovana e fa’aauau, o le tu’uina atu lea o meaalofa mo o tatou tagata matutua i le polokalame fa’aletausaga a le Territorial Administration on Aging Christmas Program,” o le tusi lea a le sui o le aufaigaluega a le Ofisa o le Kovana, ia Kristi Thaxton mo sui o le kapineta a le faigamalo.

“E fa’afetaia fo’i e o tatou tagata matutua le fa’ao’o atu o meaalofa ma latou te tulimata’ia lenei fa’amoemoe i tausaga uma,” o lana fa’aaliga lea.

Ma o le taimi foi lena o le tausaga i le faagasologa o le fuafuaina o lenei polokalame taua. I le faamautinoaina o le polokalame o lenei tausaga “e manatua pea”, na faailoa atu ai e Thaxton i faatonu o le kapeneta e faapea o pulega taʻitasi, matagaluega, ma lala o le malo e “talosagaina e auai i lenei aso fiafia e ala i le fesoasoani i meaalofa mo o tatou tagata matutua”.

O lo’o aofia ai ma le fa’amanatu, o se isi pepa o lo’o fa’amatala atu ai fa’amatalaga ma le fa’atulagaina o meaalofa o le kerisimasi o le a fa’ameaalofa i tagata matutua uma o le a auai i lenei fa’amoemoe lea e amatalia i le itula e 7:3 i le taeao i le Aso Faraile, Tesema 01. Ma ua fa’ailoa sui o le kapeneta se numera patino o meaalofa e tuuina atu faatasi ai ma le aso ma le taimi e momoli ai i le DYWA Center.

O ato meaalofa o le Kerisimasi o lenei tausaga o le a faʻataʻatia, ma sa talosagaina sui o le kapeneta ina ia faʻapipiʻi uma ato meaalofa ma tausisi i le lisi faʻasalalau - o loʻo tuʻuina atu i se isi pepa - "ina ia maua uma e i latou uma e mauaina meaalofa i lenei polokalame", o le faamatalaga lea a Thaxton.

“E talosagaina fo’i Fa’atonusili uma e tu’u mai se ato meaalofa fa’apitoa. Fa'afetai tele mo la outou lagolago faifaipea i lenei fa'afiafiaga fa'aletausaga,” o lana fa'ai'uga lea.

O le polokalame o le Kirisimasi mo Tagata Matutua, o se tasi lea o polokalame faaletausaga a le malo e fa’ataua ai le vaitau o aso fiafia o le Kerisimasi lea na fa’alauiloa ma sa atama mai i le tausaga muamua o le Faigamalo a Kovana Lolo talu ai.

Ma o lenei polokalame ua avea ma mataina mo le toatele o tagata matutua na potopoto faatasi e faasoa ma fiafia i le amataga o le vaitau o aso fiafia. O se avanoa patino foi mo i latou e feiloai ai i le kovana, lutena kovana, ma sui o le kapeneta - o loʻo tautuaina o tatou tagata matutua i le taimi o le faʻamoemoe. E iai foi le avanoa o le au matutua e talatalanoa ai ma taitai o le Ofisa o Pulega.