TALA O FAAMASINOGA

Pago Pago - AMERIKA SAMOA

MISI FA’AMOANA

Na maua e le Ofisa o Leoleo i Fagatogo se telefoni e uiga i ni tagata se to’alua o lo o misa i lo latou fale i Satala. Ina ua taunu’u leoleo, sa fa’alogoina se tasi o tagi mai totonu o le fale ma latou matauina ai se ali’i o lo’o tu i luma o le faitoto’a. Na iloa atu e lea ali’i ia leoleo ma sola ese ai loa. Na fa’agasolo loa le fa’atalatalanoaga a Leoleo ma se isi ali’i, ma tootuli i tafatafa o le moega o lo’o nofonofo ai se fafine o lo’o tagi.

Na toe fesiligia e Leoleo le ali’i e le’i iloa na sola, ma na ta’ua e le ali’i lona lua, o lona atali’i lea o Misi Fa’amoana. Ina ua fesiligia e Leoleo, sa ia taua ai e fa’apea, sa ia fa’alogoina se tauupuga o lo o sau mai le fale o Misi i le va o le tama’ita’i na a’afia ma lona atali’i, ma sau ai loa e siaki le mea o lo o tupu.

Na fa’amatala e le fafine na a’afia le mea na tupu, ma e tusa ai ma lana tala, na amata le latou misa ina ua ia fai atu ia Misi e ki le moli ina ia mafai ona sui le napekini o le pepe. Na ala i luga Misi ma saua ma amata ona palauvale ia te ia.

A o fai le la misa, na sau ai le Tama e taofi i laua ae na toe taui atu e le na a’afia i lona palauvale ia Misi. Ona tago atu lea o le ua molia i ofu o le fafine na aafia ma togi i fafo o le fale, ma faliu atu i le fafine ma toso ese mai le pepe mai ona lima. Ona ee atu lea o le na a’afia i le ua molia e “faafo’i atu le pepe” ma lagona ai le tau o le ulu o le pepe i lona tulilima.

Na musu le fafine na a’afia e o ma leoleo ma sa ia taua o le a nonofo le tuafafine o le ua molia ma i latou.

Na taua atili e le tama o le ua molia e fa’apea, ina ua ia faalogoina le palauvale o le na a’afia i le ua molia, sa ia tamo’e atu i luga ma vaaia ai Misi o tu mai i luma o le ali’i na a’afia a o tagi, ma o lo o tu’uaia fo’i sa ia molimauina lona po o le gutu o le ali’i na a’afia i lona lima matala.

O Misi Fa’amoana e le’i maua i lea nofoaga.

E fa moliaga o lo o tu’uaia ai o ia – tasi le moliaga o le fa’atupu vevesi i totonu o le aiga, lua moliaga o le fa’ao’olima i le tulaga tolu, ma le tasi moliaga o le faia o ni gaioiga e ono lamatia ai le soifua manuia o se tamaititi.

FA’AOOLIMA I LE TO’ALUA

O le po o le aso 31 o Aokuso, 2023 na maua ai e le Ofisa o Leoleo i Tafuna le telefoni mai se tama’ita’i i Nu’uuli, ma ta’ua ai le fasi o ia e lona to’alua. Ina ua taunu’u i le nofoaga, sa feiloa’i ai loa leoleo ma le tama’ita’i na a’afia ma fa’amatala puupuu ai loa le tulaga ma fa’atonu leoleo i lona fale ma fa’ailoa ai lona to’alua. Na feiloa’i leoleo ma le ua molia ma ia ta’utino ai i lona sasaina o lona to’alua.

E tusa ai ma le faamatalaga a le tamaitai na aafia, o le a alu atu o ia mo lana galuega, ae o loo tagi lana tama e o ma ia. Na fai atu le ua molia ia te ia e ote ma fasi le la tama e taumafai e aoao o ia e aua le tagi mo ia ae mulimuli atu ia te ia. Na musu le na aafia, ma ita ai le ua molia ma ia taumafai e togi se ili ia te ia, ma i’u ai ina ta lona ua i se salu faa-Samoa, ma mafua ai ona tiga laiti.

Ona tamoe atu lea o ia i le faleoloa o le Happy Mart ma vili leoleo.

Na ta’ia e le ua molia i lana saunoaga tu’u ma tusitusi i leoleo, le saunoaga a lona to’alua i leoleo e uiga i le mea na tupu, e aofia. ai lona “ita i le tagi ma le le otegia o lona to’alua ma a’oa’o le la tama i le mea sa’o mai le leaga.” Na ia taʻua atili e faapea na ia “fai atu ia te ia e otegia o ia e faailoa atu ai e le lelei i taimi uma le tagi ma mulimuli atu ia te ia,” ae sa musu o ia ma atili ita ai o ia.

Ona ia tago atu lea i le salu ma ta lona ua, ma o le taimi lena na alu ese ai o ia i le auala. O lo o tu’uaia le ua molia i le fa’alavelave tau le filemu ma le faaoolima i le tulaga tolu. E $1,000 le tupe ua fa’atulaga e tatala ai i tua.

ZEMING ZHOU

O le aso 28 o Aukuso 2023 na faafesootai ai e se leoleo o le toese, le Ofisa o Leoleo i Tafuna e faailoa ai e faapea, o se fafine e to’a 3 lana fanau na talotalo i lalo le latou vaega i Pavaia’i i luma o se faleoloa, ma lipotia ai le fasi o ia e lona toalua. 

Ina ua taunu’u i le nofoaga na tula’i mai ai le fa’alavelave, na feiloa’i ai loa le ali’i Leoleo ma le na a’afia ma sa ia ta’ua ai lona fa’atonuina o lona to’alua e fa’apipi’i le Wi-Fi a le la fanau ae ua alu atu e taele. A o i ai o ia i totonu o lo’o taele, sa ia finau ma ia i le faaleleia o le wifi, ma o le taimi lena na ita ai o ia ma tu’ia faalua ona foliga. E le gata i lea, a o latou finau, na liliu atu le ua molia ma tamo’e atu ia te ia ma kiki lona manava, a o uu lona lauulu ma tatu’i lona tauau taumatau, e pei ona taua i le ripoti a le faamasinoga.

Saunoa atili le na a’afia e fa’apea, ina ua toe fo’i atu le ua molia i totonu o le latou potumoe, sa tamomo’e atu ai ma lana fanau teine e to’atolu i fafo ma talotalo atu i lalo le vaega o le Falepuipui lea sa latou vaaia o ui ane. Na molimauina uma e afafine e to’atolu le mea na tupu, ma latou maitauina ai le alu ese atu o le ua molia i le ta’avale a le latou aiga. 

Sa fa’alauiloa e leoleo i a latou fesootaiga e su’e ai le ta’avale a le ua molia, ma o’o atu ai i le itu i Fagatogo. Na taofia le ua molia ma taofia ai loa i le Ofisa o Leoleo i Fagatogo (FPS).

I le fa’atalanoaina ai o le ua molia, sa ia ta’utino ai i upu le fa’ao’olima a lona to’alua, ona sa taumafai le fafine e finau ma ia e fa’aleleia le wifi. Sa ia ta’utino fo’i e fa’apea, sa le mafai ona taofiofia lona ita ona o le ‘ona, ma sa ia tu’u atu e fa’amalo, ina ua maua o ia e leoleo.

O le ua molia e igoa ia Zeming Zhou, o lo o tuuaia i moliaga mamafa e lima. E tasi le moliaga o le faaoolima i le tulaga tolu, tasi le moliaga o le faatupu vevesi i le aiga ma le tolu moliaga o le faia o ni gaioiga e ono lamatia ai le soifua manuia o se tamaitiiti. E $1,000 le tupe ua fa’atulaga e tatala ai i tua.