Toe tatala nofoaga tausi ai fanauiti - Day Care Centers

Pago Pago - AMERIKA SAMOA

O le aso Lulu, aso 12 o Iulai sa toe tatala ai nofoaga o lo’o tausi ai fanau - Day Care Centers - e pei ona fa’alauiloa i se pepa o fa’amatalaga mai ia Muavaefa'atasi John E. Suisala, le Fa'atonu Sili o le Matagaluega Tautua ma Alagamanuia mo Tagata Lautele.

Ma o le toe tatala o nofoaga uma o lo'o tausi ai le fanau o se fa'atagana lenei mai i le afioga i le Kovana Lutena ia Talauega E. V. Ale, e tusa ma lapataliga fou mai i le Matagaluega o le Soifua Maloloina ma le Falema'i o le LBJ, ona ua va'aia le fa'aititia o le aofaiga o fanau o lo'o maua i le fa’ama’i pepesi o le RSV (Respiratory Syncytial Virus)

E fa'amanatu atu pea e le Fa' atonu Sili a Muavaefa'atasi fautuaga mai i ali'i ma tama'ita' fomal ina ia puipui mai i le pepesi o fa'ama'i e pei o le RSV. Ma o se lolomiga lenei o lo'o fa'apupula ai nei tulaga i matua e ala i le fa'asalalauga i 'aupega tafailagi.

"O lo'o sapasapaia e le matou Matagaluega le faia o tui puipui a le fanau o lo'o ave i le Day Care. Ma e ao ona fa'amaonia mai e le Matagaluega o le Soifua Maloloina o lo'o atoatoa tui a le tamaititi,” o le tala lea a Muavaefa’atasi.

E fautuaina foi matua, fa'amolemole vala'au sa'o i le daycare o lo'o tausi ai lou alo ina ia fa' amautinoa tulaga mo le toe tatala o i latou. E momoli atu le fa'afetai mo le tou onosa'i 'ae maise foi le tou sapasapala pea o taumafaiga uma mo le puipuia o le soifua maloloina ma le saogalemu o a tatou fanau. Mo nisi fa'amatalaga vala au mai i le i le 633-CARE (2273) po'o le 1571.

Ua fa’ailoa e le Matagaluega o le Soifua Maloloina le fa'aopoopo itula i nofoaga e faia ai tui puipui mo fanau, ae le’i toe ‘ae aoga, ma ua fa’atulaga i Aso Lua ma Aso Tofi mo matua faigaluega.

O le a fa'aauau pea ona mata'ituina e le Soifua Maloloina le Fulu, RSV ma isi fa'ama'i e afaina ai le manava.

O le aso 14 o Iuni sa tapunia ai Day Care Centers i le teritori ina ia fa’aitiitia le pepesi o le RSV, ina ua amata ona matauina e le pulega o le soifua maloloina le faateleina o le numera o mataupu RSV ma le tele o pepe i lalo o le 1 ua ulufale i le falemaʻi ma manaʻomia le fesoasoani o le okesene. O le tapunia muamua na fuafua mo le lua vaiaso ae na toe faʻaopopoina.

A i ai se fesili mo le Soifua Maloloina telefoni i le 219.