TALA I VAIFANUA

Pago Pago - AMERIKA SAMOA

ASIASI KOVANA FANUA O AMERIKA SAMOA I SAMOA

A’o i ai i Apia mo le faamanatuina o le 61 tausaga o le Tuto’atasi o Samoa i le vaiaso na te’a nei,  na asia ai e le Kovana o Lemanu Peleti Mauga ma lana aumalaga le fasi fanua lea ua foa’i e Samoa mo le Malo o Amerika Samoa (ASG) e faafesuiai ai fanua i Tafuna.

O le fanua i Samoa e i Taumeasina.

E tusa ai ma se pepa o fa’amatalaga mai le Ofisa o le Kovana, ua amata ona fa’amama e le ASG lea nofoaga i Taumeasina. O faʻamatalaga o le faʻaogaina o le fanua o le a tuʻuina mai e le Ofisa o le Kovana i se taimi o i luma. 

O le fesuiaiga o fanua ma Samoa na amata mai i le silia ma le 20 tausaga talu ai ma e oo mai i le tausaga na tea nei, na tofia ai le ASG i se fanua i Vailima lea e toetoe lava o ofisa uma mai fafo o loʻo nonofo ai pe o loʻo i ai ni nofoaga aloaia.

O le tausaga lava na te’a nei, na fa’aalia ai e le faigamalo a Lemanu le popolega i le latalata o le ofisa o Saina i le fanua mo le ASG i Vailima, ona o le fanua o loo i Taumeasina na tuuina atu i le ASG.

FEILOAI SUI O LE “MASI” MA LE LUTENA KOVANA

O le aso 5 Iuni, 2023, na tauaao ai e le Peresetene o le Faalapotopotoga o le Tausala a Amerika Samoa (MASI) Simeafou Otemai-Imo, ma le Tausala o Amerika Samoa Kauhani Fuimaono o lo o nofoa’i, le Tusi o le Fa’afetai mo Kovana Lemanu P. S. Mauga ma le Lutena Kovana Talauega E. V. Ale. Na talia e le Lutena Kovana le tusi pasi - Certificate of Appreciation - i le potu fono a le Kovana.

“Faafetai mo le asiasi mai ia i matou i lenei aso. I le avea ai ma sui o le afioga i le ali’i kovana ia Lemanu, ou te talia lenei tusi pasi,” o le saunoaga lea a le Lutena Kovana Talauega e pei ona fa’ailoa i se pepa o fa’amatalaga mai le Ofisa o le Kovana. 

Sa ia toe fa’apea, “E momoli atu le fa’afetai tele i le tama’ita’i o Hani Fuimaono ona o se galuega lelei na fa’ataunu’uina i lou nofoaiga, ia manuia ma manuia lou lumana’i.”

Sa auai fo’i i ai tama’ita’i e to’afa sa tausinio i le Tausala lona luasefuluiva o Amerika Samoa lea na maua le avanoa e fa’ailoa ai i latou: Ms. Kiahna Feagaiga Safuiono Siufanua na lagolagoina e le Lila’s Flora, Ms. Nelda Mareko sponsored by Laga’ali Couture, Ms. Judy Faafetai Tauanu’u na lagolagoina e Fa’atamali’i, ma le tama’ita’i o Tatiana Tiare Tausala Tupua na lagolagoina e le ICS Families and Friends. Na fa’afetaia e le Lutena Kovana Talauega ia tama’ita’i ona o lo latou fa’amalosi e ofi atu ai i le tauvaga: “Fa’afetai mo le ositaulagaina o o outou soifua i aso uma e avea ai ma amepasa o Amerika Samoa.”

Ua amata nei le vaiaso atoa a le MASI ma o le a talimalo ai i le Tausala o Amerika Samoa i le Aso Faraile, Iuni 9, 2023.

SUI PU’EATA MAI OFISA FETARALE AFEA AMERIKA SAMOA

O le Ofisa o Auaunaga Lautele, i lalo o le faamalu a le Matagaluega o Auaunaga a Tagata ma le Soifua Maloloina a le Iunaite Setete o loo i ai le au ata tifaga i le teritori mo le aoina mai o faamatalaga e uiga i le Polokalame Fesoasoani a le fetarale mo Amerika Samoa. 

O ia polokalama o le LIHEAP ma le LIHWAP. O polokalame ia e lua o lo o faatautaia i lalo o le taitaiga a le Faatonusili ia Misipati Salanoa i le Ofisa o le Enetia a le malo o Amerika Samoa.

O Caroline Boyd ma Rachel Kelling, na maua le avanoa e feiloa’i ai ma le Lutena Kovana Talauega E. V. Ale i le aso 05 o Me, 2023. Na fa’afeiloa’i e le Lutena Kovana Talauega le auvaa ma tauaao atu meaalofa mo le latou asiasiga. O le a latou fa'atautaia fa'atalanoaga ma aoina fa'amatalaga mai i latou e fa'amanuiaina i polokalame a le LIHEAP ma le LIHWAP ma o latou aiga.

O le polokalame a le LIHEAP e maua ai le fesoasoani e faʻaitiitia ai tau e fesoʻotaʻi ma pili o le malosi o le fale, faʻalavelave malosi, faʻaleagaina o le tau, ma faʻaleleia laiti fale e fesoʻotaʻi ma le malosi. 

O le polokalame LIHWAP e fesoasoani i aiga e maualalo tupe maua i pili o vai ma suavai leaga. Ina ia lesitala mo nei polokalame, fa'amolemole fa'afeso'ota'i le Territorial Energy Office ile (684)699-1101 e siaki lou agava’a.