Tulafono taufaaofi tulaga o fe'ese'esea'iga o Fanua ma Suafa

Pago Pago - AMERIKA SAMOA

O le tulafono taufaaofi a le faigmalo o lo o fuafua e fa’atapula’a ai le taimi e fa’aletonu ai feeseeseaiga i fanua ma suafa, a’o le’i fa’aulufaleina e le Ofisa o Mataupu Tau Samoa, i ma’ea ona fa’auluina i le Fono Faitulafono i le vaiaso ua te’a.

E tusa ai ma le fuafuaga ua fuafuaina, o lenei tulafono taufaaofi e faatapulaa ai le taimi e mafai ona i ai feeseeseaiga i fanua ma suafa i luma o le Ofisa o Mataupu Tau Samoa e aunoa ma le usitaia o taualumaga o lo o aiaia i le A.S.C A & 43.0302(a) e tuuina atu ai i le Failautusi o Mataupu Tau Samoa le Pulega e fai tulafono. i finauga i fanua ma suafa matai.

"Ole uumi o finauga i luga o Fanua ma Suafa matai, ua fai ma pa puipui ile faanofofilemu ma le nofo lelei o aiga ae o faale nuu: ae o le manaoga o tagata ma le malo o Amerika Samoa, o le fo'ia ni finauga i le taimi talafeagai ai." 

Ua maitauina foi, "e le'o mafai ele Failautusi o Mataupu tau Samoa ona ao tupe e lagolago ai le faaauau  ona faagaioi galuega a le Ofisa o Mataupu tau Samoa."   

Ole mataupu lea ua fesiligia ai le teuteu ole Vaega 43.0302 o finauga ua le mafai ona soalaupule. 

"A'o lei faia nisi faiga, e sootaga i finauga i luga o fanua faaleaganuu ma suafa matai, pe tusa ai ma le vaega ole tulafono o Fanua ma Suafa, e ao ise itu ona faaulu sana mataupu, faatasi ma le tusi faamaonia a le Failautusi o Mataupu tau Samoa, poo lana sui Failautusi, e iloa ai le faamaoni. 

"Ia lei lalo ifo o le lua mataupu, ua oo atu ai se itu i ona luma ma ia tofia ni tagata se toalua, e aonoa ma se loia, e iloa ai sa taumafai e soalaupule se finauga. 

"Poo itu uma foi e sootaga ile finauga, e ao ona tuuina atu iai se faaaliga, i totonu o le 20 aso, e oo ane ai, ma ia faamauina le aso, itula ma le amataga ile faaiuga ose fesagaiga.

"Ole taunuuga ole faaiuga a le Failautusi, po o lana sui failautusi, ma isi e to'alua na tofia, faatatau ile mataupu na faatalanoaina i o latou luma, e aofia ai ma faamaumauga, ole mafuaaga ua le mafai ai ona soalaupule.

"O le tusi faamaonia o ta'ua ile vaega (a) e ono le mana'omia ile taimi muamua, ole poloaiga le tumau e tuuaina atu e le Faamasino Sili , poo se Faamasino lagolago, e puipuia ai le toe tupu mai ose faaletonu. 

"E ui o le vaega (a). Pe 'a uma le ono masina mai le aso na avatu ai le matapu lea i le Failautusi o Mataupu tau Samoa, ae leai se taunuuga i le vaega (a), E ao i le Failautusi o Mataupu tau Samoa poo lana Sui Failautusi lagolago, ona faamaonia e ala i le tusi atu i le Faamasino Sili, poo se Faamasino o le Faamasinoga Maualuga, ua le mafai ona ausia e itu, ma/ pe faamalie loa le vaega (a) (1), ona, ole mataupu e tatau, ona, ma ia tuuina atu loa i le Vaega o le Faamasinoga o Fanua ma Suafa o le Faamasinoga Maualuga mo lana faaiuga o lea Fanua ma Suafa, o finauina, ia tusa ai ma le A.S.C.A vaega 3.0240 - 30242."

I le, ma le, o le pili tau faaofi o ta'ua ai , ole Failautusi o Mataupu tau Samoa, e ono faia ni aiaiga e tusa ai ma le Tulafono Administrative Precedure Act, Vaega 4.1001 et seq. 

"Ia faia mose aiaiga e faatonutonu ai, le faia o ni faatalanoaga, ma faatulaga ni tupe totogi mo mataupu e oo mai i lalo o le Vaega lea, ma ia faamalieina le aoga o lena Vaega.

"O tupe e totogi e tusa ai ma aiaiga ua faalauiloa e le Failautusi o Mataupu tau Samoa, e tatau ona faamauina lona faaaogaina faapitoa e le Ofisa o Mataupu tau Samoa"