Fa’amanuiaga e $6.4 miliona mo le polokalama “Summer P-EBT”

Pago Pago - AMERIKA SAMOA

Ua faamaonia e le faigamalo a Lemanu-Talauega le $6.4 miliona mo le polokalama fa’atupeina e le malo fetarale, le Summer Pandemic Electronic Benefits Transfer (Summer P-EBT) amata atu ia January 18, 2023.

Pei ona folafola e le Afioga i le Kovana, Lemanu P. S Mauga i le Aso Gafua ua te’a, e 14,000 tamaiti, o aoga tumaoti ma aoga a le malo, o le a manuia ai, mai le tufatufaga a le Vaega o Auaunaga Lautele poo le Department of Human and Social Services (DHSS).

O le tausaga lona lua lenei ua manuia ai Amerika Samoa ile Summer P-EBT, o loo faatupe e le U.S Department of Agriculture (USDA), Food and Nitrition Services (FNS). 

Ma sa faamaonia e le FNS le P-EBT State Plan mo Amerika Samoa ia Setema 26, 2022 mo fanau aoga agavaa, i le tausaga aoga 2021-2022, ae muta ia Iuni 10, 2022. Peita'i na faatoa maua le faatupega ole P-EBT ia Tesema 1, 2022.  

O le isi tulaga, na faato'a taunuu mai le  uta o pepa faapitoa e lomia ai penefiti o le Summer P-EBT i le vaalele ia Tesema 24, 2022, ma oo ane i le  Ofisa o le American Samoa Nutrition Assitance Program (ASNAP) ia Tesema 28, 2022, i le uma ai ona kilia e le Ofisa Tiute ma faamatuu ane e le Ofisa o Oloa a le Malo, Procurement.

O le folafolaga lea na saunoa ai lana afioga,  Kovana Lemanu i le fetaui lava foi o le taimi taunuu o lenei fesoasoani mana'omia mo le faaauau ai ona maua o taumafa a tamaiti, ae o le lagolago foi mo aiga i   taimi ua amata ona siitia le tau o le soifuaga ae o taumafa. 

Sa fa’afetaia e le kovana sui sinia o le malo feterale i lenei fa’amanuiaga mo Amerika Samoa, ae maise alo ma fanau a le atunu’u.

E amata ona tufa tufa atu faamanuiaga o le Summer P-EBT i le Aso Lulu, Ianuari 18, 2023, faasolo i luga o Mata'itusi muamua poo le alphabetical order.

Fa’ailoa e le faigamalo, o le a maua le ta’i $455 a le tamaititi agavaa i lea fa’amanuiaga ma e aofia ai le 55 aso ole tau mafanafana (summer), ae $8.28 i le aso.  

O le a faailoa atu lava e le ASNAP i luga e le televise, leitio ma isi vaega fa’asalalau, e i ai le latou Facebook le fa’atulagaina o le tufatufaina o nei fa’amanuiaga. 

O aiga e iai tamaiti aoga, sa masani ona maua penefiti poo faamanuiaga o le P-EBT mai le DHSS ia Aukuso 15 - Tesema 30, 2022 , o le a okomeki lava ona agavaa i le $455 a le tamaititi i lalo o le Summer P-EBT.

E le mana'omia ona toe talosaga , peta'i e  tatau ona faaali a latou P-EBT ID cards, e maua ai le penefiti mai le ofisa o le ASNAP.

I le tausaga e 2022, pei ona ta'ua e le fa’atonu sili o le DHSS ia Muavaefaatasi John Suisala, ile Samoa News, e tusa ma le $30 milona ile masina na maua mai le DHSS, mo penefiti na totogi, ma faagaioi ai le tamaoaiga o le atunu’u ma maua ai isi alagatupe ile tamaoaiga.

"Ae ese ai le tau o le Pulea ma le Faagaioiina o polokalame uma a le DHSS ma ana auaunaga,” o sana tala lea.  “E $17,916,942 na faamatuu mai mo Food Stams Benefits.  E $8,869, 935 in ASNAP benefits, o faamanuiaga ia ta’i masina,  tusa o le 4,356 tagata agavaa.

Ma le 20% mai le ASNAP, o food coupons e faaalu i oloa taumafa e maua ile teritori, pei o ia ma isi taumafa e ola ma gaosi i Amerika Samoa. 

"E fesoasoani tele i le aufai faatoaga, faifaiva, fale falaoa ma isi taumafa gaosi. Ma manuia ai foi isi taumafa gaosia i Samoa nei lava,” o se tala lea a Muavaefa’atasi. 

"Ae o le isi 80 pasene o faamanuiaga mai le ASNAP o loo faaalu i luga o food coupons e faatau ai oloa ma fafo ma isi oloa maua lava i Amerika Samoa,” o se tala lea a le fa’atonu sili. “$7,393,922 o faamanuiaga poo penefiti o le P-EBT ile tapunia o aoga ile taimi aoga o le 2021-2022.  E mo tamaiti e 12,894 mai aiga e 5,914.”

"$1,653,085 o isi fesoasoani o Taumafa tatau mo latou oi lalo o le ASNAP, ile tusa o le masina (average) mo tagata agavaa e 4,219.”

Fa’ailoa e Muavaefa’atasi, na afua ona faatuai le totogi ma faagaioi polokalame o ta'ua i luga, pei o le Summer P-EBT mo le Summer 2022,  ma le sapalai o pepa faapitoa ona o le faaititia o ni oloa na maua i aafiaga na iai le lalolagi 

Ae $3,707,901 na  aumai e le ASWIC Division-DHSS mo faamanuiaga o le WIC.

"Pe tusa lena o le 3,798 o tagata (poo le 676 o tina, 611 tamaiti laiti infants ma le 2,510 tamaiti feololo) na aofia ai i totonu o e ASWIC ile masina mai ia Ianuari - Tesema 2022.  E ui ina e tusa o le 47.66 pasene o WIC ta'i masina na aveese talu e lei toe foi atu i latou e anaia.”

Mo le Vaega o Tausiga Tamaiti (Child Care Centers) – DHSS na tu'uina atu le aofa'i e $7,584,908 o fa'amanuiaga/tupe fesoasoani e ala i le Polokalame Tausi Tamaiti a Amerika Samoa.

Totogi i Fale Tausi Tamaiti — $6,624,405; Tausia Fanau a Aiga-$260,336; Tausi Tausi Tamaiti ile Aiga -$587,500; ma, Totogi Fa'afaiaoga -$112,667.

E tusa ai ma le Vaega o Tamaiti ma Auaunaga mo Aiga - DHSS na totogi le $593,202 i le faaiuga o le tausaga i fesoasoani tupe mo faalavelave faafuasei, fesoasoani lisi, ma fesoasoani mo tausiga.

I lalo o le polokalama: AS-Pandemic Emergency Assistance Fund – Tuuina atu le $484,200 i totogi e tasi e $200 mo le tamaitiiti mo le 961 aiga e matua maualalo lava tupe maua ma le 2,421 tamaiti.

I le tulaga o leTotogi Fesoasoani mo falenonofo (Rental Assistance Payment) – Tuuina atu le $109,002 i aiga e 29 e 117 tagata o le aiga” talu ai ua le mafai e le DHSS ona tuuina atu le P-EBT o le Summer i le 2022, o le saunoaga lea a Muavaefaatasi.