TALA I VAIFANUA

Pago Pago - AMERIKA SAMOA

AMATA PESEPESEGA & POLOKALAMA VAITAU KERISIMASI

Ua le gata i le Malo le tapenaga fa’atino mo le Kerisimasi ma le Tausaga fou, o lea fo’i ua amata ona tatala mai tapenaga i totonu o afio’aga ma Ekalesia.

E mautinoa lava e le’i fa’ailoa aloa’ia mai le aso ua tu’upoina mo le polokalama a le afio’aga o Aoloau ma ua auai atu ai fo’i Aasu i le to’atele o aiga ua mu le loto pe a va’ai atu ua ilaila ma emoemo fa’asolo atoa lumafale o isi aiga i luga o lea atumauga. 

Peita’i ua fa’ailoa mai e le afio’aga o Leone i le Ekalesia Fa’apotopotoga Kerisiano i Amerika Samoa, ua mae’a ona tatala le latou polokalama na fa’ataoto ma ua 4 ai lenei o tausaga talu ona faia pea, mo lenei vaitau fiafia o le tausaga.

O le afiafi o le aso Sa na te’a nei 04 Tesema, 2022 lea na amata i le itula e 7:00 i le afiafi ma sa fa’atulaga lava e faia tonu i lumafale o le Malumalu, “Le Mauga o Siona.” Ua le faia mo na’o sui totino o le Ekalesia ae ua tatala le vala’aulia mo le mamalu lautele o le atunuu e fia maimoaina lenei fo’i polokalama e fa’ailoa ai le agaga fa’afetai ma le fiafia aua ua aulia mai lenei vaitau fiafia o le tausaga i le manuia.”

Mo le mamalu na auai sa tufatufaina le malu afiafi ina ia fa’anofo leleia le taumafaiga ma maimoaina le fa’amoemoe lelei o le autaiavou sa tapena,E ese mai ia Leone EFKAS ma le latou Polokalama i lea afiafi, o le afiafi fo’i lea ua fa’atulaga e le 

O le polokalama a le EFKAS Matuu ma Faganeanea sa amatalia lea i le itula e 6:00 i le afiafi o le ulua’i Aso Sa o Tesema.

O le tapenaga a le Malo e pei ona masani ai ona faia i lenei vaitau fiafia o le tausaga, na tatala fo’i i le afiafi o le Aso Sa na te’a nei ma ua faia i le Malae o le Ofisa o le VA i Tafuna. Ua mae’a tapena lelei le nofoaga mo lea fa’amoemoe matagofie ma ua fa’aauau ai pea ona 

Mo le valu tausaga talu ona tulai ma le faigamalo a Lolo ma Lemanu e le’i faia ai lava lenei polokalama, peita’i o le Kerisimasi lona lua lenei a le Faigamalo a Kovana Lemanu ma Lt. Talauega ae ua fa’ato’a fa’ataunuuina ai.

O le polokalama ua fa’atulaga ai le 6 o matagaluega o le Malo e faafiafia i po ta’itasi mai le aso Sa se’ia oo i le aso Lulu a nanei, ona soso’o lea mai le afiafi o le aso Tofi se’ia oo i le afiafi o le aso Sa o lenei vaiaso o le a toina lea i faaaliga masani ona fa’atautaia e le Matagaluega o Arts, Culture & Humanities a le tatou Malo, ae faia lava i le malae i le Ofisa o le VA.

POLOKALAMA MO TAITAI O LE ATINA’E MO LE PASEFIKA & ATU KARIPIANA

Ua fa’ailoa mai le to’afa ua filifilia patino e auai i le polokalama fa’apitoa mo Ta’ita’i o Atina’e mo le Atu Pasefika & Atu Karipiana lea e fa’atupeina lea e le Matagaluega o le Initeria a le Malo Tele.

O le to’a 4 lea o tatou sui ua auai ai: Mika Aga Inisinia Sinia a le Matagaluega o le Uafu ma Malaeva’alele; Grace Felise - tamatai faigaluega o le Pule o le Coastal Zone Management a le DOC; Matilda Kruse - Prog. Ingrity Division Head a le Madeicaid Office i Amerika Samoa; Patrick Reid – Faufautua mo le Lautele a le Ofisa o le Lutena Kovana.

O le polokalama ua fa’ataoto mai a le Polokalama mo Ta’ita’i o Atina’e i le Atu Pasefika ma le Atu Karipiana, ua fa’atulaga mai ai le to’afa  sui mamalu mai Amerika Samoa; to’alima mai Northern Marianas; 3 mai Guam; 5 mai Virgin Islands; 4 mai le Marshall Islands ma le 2 mai Palau e aofia i lenei fonotaga taua.

O le tamaitai Sui Fesoasoani i le Failautusi o le Insular Affairs, Carmen G. Gantor sa avea ma sui mamalu na te fa’afeiloa’ia le au usufono i lenei fonotaga.

“E fa’afeiloa’ia ma fa’atalofa atu i le mamalu o sui usufono uma o le ELDP 2023 ma ua avea outou ma nisi sui fou e fa’aopoopo atu i le isi to’a 175 o sui totino tuai o lenei fa’aapotopotoga o Ta’ita’i e soalaupule ni ala lelei mo galuega atina’e ole Pasefika ma le Atu Karipiana.

Ile matau atu i lenei tausaga o le a savalia ma ua amata fono nei, o lo’o ua fa’aopoopo mai ni sui e iloga fo’i ona agava’a ma taleni i galuega tau atina’e, ma o le a aoga tele lea i le fa’amoemoe mo le lumana’i a le polokalama lenei. O se mea taua tele, i mautu mo se taimi uma polokalama fa’ataoto ma fa’atautaia a le ELDP i o tatou atumotu uma lava o totino o le tatou polokalama. Ua lagona ai le agaga fa’agae’etia ina ia mautu atu pea le sapaia o tatouy polokalama e fa’aleleia atili ai le savaliga aga’i i luma o taumafaiga ta’ito’atasi a tatou sui totino.”

“O sui nei ua filifilia ua mautinoa lava o lo’o fili fa’apitoa mai le aotelega e silia ma le to’a selu o e na talosaga mai ina ia galulue mo le 2023, ma o le a aoga tele lea e si’itia atili ai i luga le tomai ma agava’a o le tautuaina o le mamalu lautele i o tatou atunuu, ua fa’amautu atili ai fo’i le fa’amoemoe e siitia le agava’a o tatou ta’ita’i e tutula’i mai mo tatou galuega atina’e i le tatou sone atoa, e oo lava fo’i i ala fa’atekonolosi o le talutalu fou ua tatou o soifua ai nei.”