Tu’uaia se alii i le umia o fualaau faasaina

Pago Pago - AMERIKA SAMOA

O le ali’i ave ta’avale lea na taofi e Leoleo lana ta’avale ina ua ia le usitaia tulafono i luga o le alatele, ua molia nei o ia i le moliaga mamafa o lona umia faasolitulafono o fualaau fa’asaina, ina ua su’e e Leoleo totonu o lana ta’avale ae maua ai vaega o fualaau fa’asaina.

O moliaga ua molia ai Faaolataga Vuiese e aofia ai lona umia faasolitulafono o le pauta fa’asaina o le aisa, atoa ai ma le moliaga mamafa o lona umia fa’asolitulafono o vaega o le laau fa’asaina o le mariuana, o ia solitulafono, e mafai ona fa’asala ai se tasi i le toese mo le umi e le sili atui le 20 tausaga, pe fa’asala i le salatupe e le sili atu i le $20,000, poo le fa’asala fo’i i fa’asalaga uma ia e lua.

O le masina na te’a nei na tula’i ai Vuiese i luma o le Fa’amasinoga Fa’aitumalo mo lana ulua’i iloiloga.

E $5,000 le vaega tupe lea ua fa’atulaga e le Faamasinoga e totogi ona fa’atoa mafai lea ona tatala Vuiese i tua.

A mafai ona tatala o ia i tua, ua poloaina o ia ina ia usita’i i tulafono a le malo, e le mafia ona ia tuua le atunu’u pe taumafai fo’i e sola ese ma le atunuu, ia tuuina atu fo’i lona tusi folau e taofi e le Loia a le malo, se’i vagana ua mae’a lana mataupu ona faatoa mafai lea ona toe tuuina atu ia te ia.

E le matai fo’i ona ia toe taumafai e fa’afesoota’i molimau a le malo i soo se auala, e le tatau fo’i ona ia toe tagofia le ava malosi poo lona umia o ni fualaau fa’asaina.

Na talosaga le loia a Vuiese i le Fa’amasinoga mo se avanoa e fa’aitiitia ai le tupe e tatala ai le ua molia i le $2,000, peita’i na teena e le Fa’amasinoga.

Na taua e le loia a Vuiese e fa’apea, o vaega o fualaau fa’asaina sa maua i totonu o le ta’avale a Vuiese, ua na o ni vaega laiti lava e fa’aaoga mo ia lava. E le o i ai fo’i se fuafuaga a Vuiese na te umia faasolitulafono nei fualaau fa’asaina ma le fa’amoemoe e tulei pe fa’atau atu i isi tagata.

O Vuiese e pei ona taua e lana loia, o se ali’i e fai lona aiga ma lana fanau, e galue malosi fo’i i le tausiga o lona aiga, ae o le solitulafono e pei ona a’afia ai o ia, o se filifiliga ua sese ona ia faia. 

Na finau le Loia Fautua i le fa’amasinoga, e le sola Vuiese pe afai ae tatala o ia i tua, e le o ia fo’i o se tagata o lo o i ai se faanaunauga e alu ese ma Amerika Samoa, ona o iinei lava o loo i ai lona aiga, o lona olaga fo’i na tupu a’e lava i totonu o le atunu’u.

Na tete’e malosi le itu a le malo i le talosaga a le itu tete’e ina ia fa’aitiitia le tupe e tatala ai i tua Vuiese. Na taua e le Loia a le malo e fa’apea, o le tupe lea ua faatulaga e le fa’amasinoga, ua tatau ma onomea mo le mamafa o le solitulafono o loo tu’uaia ai le ua molia. Sa ia taua fo’i e fa’apea, o solitulafono e 2 e pei ona molia ai Vuiese, e mafai ona faasala ai o ia i le salatupe e oo atui le $20,000, peita’i o lea e na o le $5,000 le tupe ua faatulaga e tatala ai o ia i tua, lona uiga, o lo o tele le fesoasoani mo ia.

E talitonu le malo e pei ona finau le loia a le malo, e ono sola ese le ua molia ma le atunu’u pe afai ae tatala o ia, ma o lo o i ai fo’i isi suesuega a Leoleo i tulaga o fualaau fa’asaina o lo o faia faasaga ia te ia.

Na taua e le Fa’amasinoga e fa’apea, o le tupe ua faatulaga e tatala ai Vuiese i tua, ua lava ma talafeagai. O lea na ia talia ai loa le faafinauga a le malo, ae teena le talosaga a le itu tete’e.

O le aso Lua o le vaiaso fou lea ua fa’atulaga e faia ai le ulua’i iloiloga o le mataupu a Vuiese, e saili ai mau faaaonia a le malo, pe lava ma totoe e lagolago ai le tagi a le malo fa’asaga ia te ia.

TAGI A LE MALO

E pei ona taua e le malo i le latou tagi e fa’apea, o le afiafi po o le aso 30 o Iulai na te’a nei, na maua ai e Leoleo Suesue faamatalaga e fa’atatau i se ta’avale pikiapu o lo o ti’eti’e a le tagata e suafa ia Faatili Uatisone, lea fo’i e iloa e le to’atele i lona igoa o Tili.

O le susuga a Uatisone, o lo o i ai se tusi saisai mai le Fa’amasinoga o lo o tau sailia ai e Leoleo o ia. Ina ua maua e Leoleo lea fa’amatalaga, na latou aga’i atu ai loa i luga o le alatele e saili le ta’avale o lo o taua o lo o tietie ai Uatisone ma isi ali’i.

Pe tusa e 2 itula mulimuli ane ai e maua loa e Leoleo le ta’’avale pikiapu lea i se vaega o Tafuna, ma latou taofia loa. E le i maua Uatisone i totonu o le ta’avale, se’i vagnaa ai ali’i e to’alua sa i ai i totonu.

O i latou ia e aofia ai Vuiese, le ali’i ua molia nei, ma lana uo ia Ioane Fiatoa. Na toe tatala e Leoleo i tua Fiatoa ina ua mae’a ona fesiligia ma fa’atalanoa o ia. E leai fo’i ni moliaga ua faia fa’asaga ia Fiatoa

Na faailoa e Leoleo ia Vuiese le mafua’aga ua ala ai ona taofi lana ta’avale, atoa ai ma lona le usitaia o tulafono i luga o le alatele, e ala i lona faafoe o se ta’avale ae leai se fusipa’u.

E leai se laisene ave ta’avale a Vuiese sa i ai i le taimi lea, e oo fo’i i lana uo o Fiatoa, e leai fo’i sona laisene ave ta’avale poo se pepa fo’i e faamaonia ai o ia. Na saili atili e Leoleo le ta’avale na malaga ai Vuiese ma lana uo o Fiatoa ma iloa ai, e ese le tagata o lo o lesitala ai le ta’avale.

Talu ai e leai se pepa e faamaonia ai Vuiese poo Fiatoa, toe ese fo’i le tagata o lo o lesitala ai le ta’avale, o le mafua’aga lea na taofia ai loa e Leoleo le ta’avale i le Ofisa autu i Fagatogo, se’i vagana ua alu atu le tagata e ana le ta’avale.

Ina ua iloa e Vuiese o le a taofia le ta’avale i le ofisa o Leoleo i Fagatogo, sa ia musumusu i se tasi o Leoleo, e i ai mea’ai e fia aveese mai totonu o le ta’avale, ina ne’i manogi leaga pe a umi ona ta’atitia ai i totonu.

Na faataga e le Fiatoa Leoleo ia Vuiese e o ma isi Leoleo e to’alua e tatala le ta’avale ae aveese mai mea o lo o i ai i totonu.

Ina ua tatala e Vuiese le faitoto’a o le ta’avale, na vaaia e Leoleo le taumafai o Vuiese e nana se mea i lalo o le nofoa o le ave ta’avale. Na vave le tulioso atu o Leoleo ma taofi Vuiese ae toe ta’ita’i ese mai i le itu, ma faagasolo ai loa ma le sailiina e Leoleo o le ta’avale, ma maua ai fualaau fa’asaina.

O fualaau fa’asaina sa maua e aofia ai se pepa iila sa i ai vaega o le pauta o le aisa, o se sikaleti mariuana ua uma ona taai, faapea ai ma se paipa tioata o lo o tumu i le aisa sa i lalo o le nofoa.

Na faia ni suega i vaega o fualaau fa’asaina sa maua ma faamaonia ai, o vaega ia o fualaau fa’asaina o le aisa ma le mariuana.

Ina ua fesiligia e Leoleo ia Vuesei e tusa ai o mea sa maua i totonu o le ta’avale, sa ia teena malosi ai lona iloaina o nei fualaau fa’asaina. Sa ia faailoa i Leoleo, o lona uncle e ana le ta’avale, ae sa ia faanoiina le ta’avale e la’u ai ana meamata i le maketi.

O lo o taofia pea Vuiese i le toese i le taimi nei e fa’atali ai lana ulua’i iloiloga lea ua faamoemoe e faia i le vaiaso fou.

E le o se taimi muamua lenei ua aafia ai Vuiese i le tulafono. O le tausaga e 2013 na ta’usala ai o ia i le solitulafono o lona taliaina lea o ni oloa sa ave faagaoi e se isi tagata, faasala ai o ia e le Fa’amasinoga e nofovaavaaia mo le 5 tausaga i lalo o tuutuuga e aofia ai lona tuli o masina e 20 i le Toese i Tafuna.

O se uta o taga sima, laupapa ma mea faigaluega e alu i le uila na ave faagaoi e ni ali’i se to’alua mai le nofoaga o se Konekarate Faufale, ma la foa’i atu ai nisi o nei oloa na ave faagaioi mo Vuiese.

Tu’uaia se alii i le umia o fualaau faasaina

tusia Ausage Fausia

O le ali’i ave ta’avale lea na taofi e Leoleo lana ta’avale ina ua ia le usitaia tulafono i luga o le alatele, ua molia nei o ia i le moliaga mamafa o lona umia faasolitulafono o fualaau fa’asaina, ina ua su’e e Leoleo totonu o lana ta’avale ae maua ai vaega o fualaau fa’asaina.

O moliaga ua molia ai Faaolataga Vuiese e aofia ai lona umia faasolitulafono o le pauta fa’asaina o le aisa, atoa ai ma le moliaga mamafa o lona umia fa’asolitulafono o vaega o le laau fa’asaina o le mariuana, o ia solitulafono, e mafai ona fa’asala ai se tasi i le toese mo le umi e le sili atui le 20 tausaga, pe fa’asala i le salatupe e le sili atu i le $20,000, poo le fa’asala fo’i i fa’asalaga uma ia e lua.

O le masina na te’a nei na tula’i ai Vuiese i luma o le Fa’amasinoga Fa’aitumalo mo lana ulua’i iloiloga.

E $5,000 le vaega tupe lea ua fa’atulaga e le Faamasinoga e totogi ona fa’atoa mafai lea ona tatala Vuiese i tua.

A mafai ona tatala o ia i tua, ua poloaina o ia ina ia usita’i i tulafono a le malo, e le mafia ona ia tuua le atunu’u pe taumafai fo’i e sola ese ma le atunuu, ia tuuina atu fo’i lona tusi folau e taofi e le Loia a le malo, se’i vagana ua mae’a lana mataupu ona faatoa mafai lea ona toe tuuina atu ia te ia.

E le matai fo’i ona ia toe taumafai e fa’afesoota’i molimau a le malo i soo se auala, e le tatau fo’i ona ia toe tagofia le ava malosi poo lona umia o ni fualaau fa’asaina.

Na talosaga le loia a Vuiese i le Fa’amasinoga mo se avanoa e fa’aitiitia ai le tupe e tatala ai le ua molia i le $2,000, peita’i na teena e le Fa’amasinoga.

Na taua e le loia a Vuiese e fa’apea, o vaega o fualaau fa’asaina sa maua i totonu o le ta’avale a Vuiese, ua na o ni vaega laiti lava e fa’aaoga mo ia lava. E le o i ai fo’i se fuafuaga a Vuiese na te umia faasolitulafono nei fualaau fa’asaina ma le fa’amoemoe e tulei pe fa’atau atu i isi tagata.

O Vuiese e pei ona taua e lana loia, o se ali’i e fai lona aiga ma lana fanau, e galue malosi fo’i i le tausiga o lona aiga, ae o le solitulafono e pei ona a’afia ai o ia, o se filifiliga ua sese ona ia faia. 

Na finau le Loia Fautua i le fa’amasinoga, e le sola Vuiese pe afai ae tatala o ia i tua, e le o ia fo’i o se tagata o lo o i ai se faanaunauga e alu ese ma Amerika Samoa, ona o iinei lava o loo i ai lona aiga, o lona olaga fo’i na tupu a’e lava i totonu o le atunu’u.

Na tete’e malosi le itu a le malo i le talosaga a le itu tete’e ina ia fa’aitiitia le tupe e tatala ai i tua Vuiese. Na taua e le Loia a le malo e fa’apea, o le tupe lea ua faatulaga e le fa’amasinoga, ua tatau ma onomea mo le mamafa o le solitulafono o loo tu’uaia ai le ua molia. Sa ia taua fo’i e fa’apea, o solitulafono e 2 e pei ona molia ai Vuiese, e mafai ona faasala ai o ia i le salatupe e oo atui le $20,000, peita’i o lea e na o le $5,000 le tupe ua faatulaga e tatala ai o ia i tua, lona uiga, o lo o tele le fesoasoani mo ia.

E talitonu le malo e pei ona finau le loia a le malo, e ono sola ese le ua molia ma le atunu’u pe afai ae tatala o ia, ma o lo o i ai fo’i isi suesuega a Leoleo i tulaga o fualaau fa’asaina o lo o faia faasaga ia te ia.

Na taua e le Fa’amasinoga e fa’apea, o le tupe ua faatulaga e tatala ai Vuiese i tua, ua lava ma talafeagai. O lea na ia talia ai loa le faafinauga a le malo, ae teena le talosaga a le itu tete’e.

O le aso Lua o le vaiaso fou lea ua fa’atulaga e faia ai le ulua’i iloiloga o le mataupu a Vuiese, e saili ai mau faaaonia a le malo, pe lava ma totoe e lagolago ai le tagi a le malo fa’asaga ia te ia.

TAGI A LE MALO

E pei ona taua e le malo i le latou tagi e fa’apea, o le afiafi po o le aso 30 o Iulai na te’a nei, na maua ai e Leoleo Suesue faamatalaga e fa’atatau i se ta’avale pikiapu o lo o ti’eti’e a le tagata e suafa ia Faatili Uatisone, lea fo’i e iloa e le to’atele i lona igoa o Tili.

O le susuga a Uatisone, o lo o i ai se tusi saisai mai le Fa’amasinoga o lo o tau sailia ai e Leoleo o ia. Ina ua maua e Leoleo lea fa’amatalaga, na latou aga’i atu ai loa i luga o le alatele e saili le ta’avale o lo o taua o lo o tietie ai Uatisone ma isi ali’i.

Pe tusa e 2 itula mulimuli ane ai e maua loa e Leoleo le ta’’avale pikiapu lea i se vaega o Tafuna, ma latou taofia loa. E le i maua Uatisone i totonu o le ta’avale, se’i vagnaa ai ali’i e to’alua sa i ai i totonu.

O i latou ia e aofia ai Vuiese, le ali’i ua molia nei, ma lana uo ia Ioane Fiatoa. Na toe tatala e Leoleo i tua Fiatoa ina ua mae’a ona fesiligia ma fa’atalanoa o ia. E leai fo’i ni moliaga ua faia fa’asaga ia Fiatoa

Na faailoa e Leoleo ia Vuiese le mafua’aga ua ala ai ona taofi lana ta’avale, atoa ai ma lona le usitaia o tulafono i luga o le alatele, e ala i lona faafoe o se ta’avale ae leai se fusipa’u.

E leai se laisene ave ta’avale a Vuiese sa i ai i le taimi lea, e oo fo’i i lana uo o Fiatoa, e leai fo’i sona laisene ave ta’avale poo se pepa fo’i e faamaonia ai o ia. Na saili atili e Leoleo le ta’avale na malaga ai Vuiese ma lana uo o Fiatoa ma iloa ai, e ese le tagata o lo o lesitala ai le ta’avale.

Talu ai e leai se pepa e faamaonia ai Vuiese poo Fiatoa, toe ese fo’i le tagata o lo o lesitala ai le ta’avale, o le mafua’aga lea na taofia ai loa e Leoleo le ta’avale i le Ofisa autu i Fagatogo, se’i vagana ua alu atu le tagata e ana le ta’avale.

Ina ua iloa e Vuiese o le a taofia le ta’avale i le ofisa o Leoleo i Fagatogo, sa ia musumusu i se tasi o Leoleo, e i ai mea’ai e fia aveese mai totonu o le ta’avale, ina ne’i manogi leaga pe a umi ona ta’atitia ai i totonu.

Na faataga e le Fiatoa Leoleo ia Vuiese e o ma isi Leoleo e to’alua e tatala le ta’avale ae aveese mai mea o lo o i ai i totonu.

Ina ua tatala e Vuiese le faitoto’a o le ta’avale, na vaaia e Leoleo le taumafai o Vuiese e nana se mea i lalo o le nofoa o le ave ta’avale. Na vave le tulioso atu o Leoleo ma taofi Vuiese ae toe ta’ita’i ese mai i le itu, ma faagasolo ai loa ma le sailiina e Leoleo o le ta’avale, ma maua ai fualaau fa’asaina.

O fualaau fa’asaina sa maua e aofia ai se pepa iila sa i ai vaega o le pauta o le aisa, o se sikaleti mariuana ua uma ona taai, faapea ai ma se paipa tioata o lo o tumu i le aisa sa i lalo o le nofoa.

Na faia ni suega i vaega o fualaau fa’asaina sa maua ma faamaonia ai, o vaega ia o fualaau fa’asaina o le aisa ma le mariuana.

Ina ua fesiligia e Leoleo ia Vuesei e tusa ai o mea sa maua i totonu o le ta’avale, sa ia teena malosi ai lona iloaina o nei fualaau fa’asaina. Sa ia faailoa i Leoleo, o lona uncle e ana le ta’avale, ae sa ia faanoiina le ta’avale e la’u ai ana meamata i le maketi.

O lo o taofia pea Vuiese i le toese i le taimi nei e fa’atali ai lana ulua’i iloiloga lea ua faamoemoe e faia i le vaiaso fou.

E le o se taimi muamua lenei ua aafia ai Vuiese i le tulafono. O le tausaga e 2013 na ta’usala ai o ia i le solitulafono o lona taliaina lea o ni oloa sa ave faagaoi e se isi tagata, faasala ai o ia e le Fa’amasinoga e nofovaavaaia mo le 5 tausaga i lalo o tuutuuga e aofia ai lona tuli o masina e 20 i le Toese i Tafuna.

O se uta o taga sima, laupapa ma mea faigaluega e alu i le uila na ave faagaoi e ni ali’i se to’alua mai le nofoaga o se Konekarate Faufale, ma la foa’i atu ai nisi o nei oloa na ave faagaioi mo Vuiese.