Na o Uifa’atali agava’a tauva nofoa Amerika Samoa i le Konekeresi

Pago Pago - AMERIKA SAMOA

O le tamaitai faipule ia Uifa’atali Amata o loo tauva e aunoa ma se isi etauva mo le nofoa o le Sui Usufono a Amerika Samoa i le Konekeresi, i le palota ia Novema 2022, e tusa ai ma faamaumauga o loo i le “Determination of Eligibility of Candidates” mo le 2022 Palota ua faalauiloa mai ina ua mae’a le itula e 4:30 i le afiafi o Setema 01 e le Komesina o Palotaga, Dr. Lealofi Uiagalelei.

Ua matauina e i latou i le atunu’u o lo’o tagai i nei tulaga faapolokiki e pei  talanoa i le Samoa News i le tele o tausaga, ma na ta‘ua ai e nisi o faipule i le faaiuga o le vaiaso, “e matua ese lava” lea tulaga mo le tofi i le Konekeresi – o se tasi o lo o tamo’e e aunoa ma se tetee, ona e masani lava ona tasi pe sili atu “tagata lu’itau” (challenger) mo le faipule i Uosinitone. 

Ua teena e le au matau faapolokiki le taumatemate i le taimi nei i le mafuaaga po o mafuaaga ua mafua ai lenei tulaga "e le masani ai" o faiga palota ae ua maitauina o lea ua 8 tausaga talu ona tautua Uifa'atali i le Konekeresi - ae "e mafai foi ona i ai isi mea e mafua ai”.

O Uifa’atali - o lo’o fa’atumauina lona igoa o “Aumua Amata” i luga o le palota-o lo’o sailia lona lima sosoo mo le lua tausaga i le tofi.

I le tali atu ai i le talosaga a le Samoa News mo se fa’amatalaga, na ta’ua ai e Uifa’atali i se fa’asalalauga fa’asalalau na tu’uina mai i le Aso Faraile na te’a nei e fa’apea, lona agaga fa’afetai ua na o ia e tauva i le palota ia Novema - e pei ona fa’alauiloa e le Ofisa o Palota. 

“Ua ou tuuina atu lo’u loto ma lo’u agaga i o tatou tagata mo le valu tausaga talu ai ma o le a ou tulimatai atu e avea ma ou sui o le Maota o Sui o Amerika mo le isi lua tausaga,” o lana faaaliga lea.

“E pei lava o taimi uma, ou te tautino atu e mautinoa o tulafono uma o lo o iloiloina e le Konekeresi e aoga ia Amerika Samoa pe a manuia ai o tatou tagata ae le aofia ai i tatou pe a leai,” o lana faaaliga lea.

“Ma e pei ona fa’ailoa mai ia te a'u e se tasi toeaina poto ua litaea mai le Konekeresi ina ua ou faatoa auai i le Maota i le 2015: 'O la'u galuega o le faatalitonuina o isi Sui Fuipule e 440, o lo'u itumalo e sili ona taua.' O se poloaiga maualuga ia mautinoa, ma ou te faafetai ona ua faaalia e o tatou tagata le talitonu ia te au e faaauau pea le faia o la tatou mataupu i Uosigitone,” o lana tala lea.

Na faaalia e Uifa’atali e faapea, ua valaaulia o ia e auai i le fono a Ta’ita’i o le Pasefika i Honolulu i se taimi lata mai, ma o le a toe foi mai i le teritori pe a mae’a “e asiasi atu i nuu i vaiaso a o lumanai le faiga-palota e tali ai i fesili ma faalogo ai i tagata pe faapefea ona  tautua mo i latou i le isi lua tausaga.”

“Ou te fia avea lenei avanoa e faafetai atu ai i le aufaigaluega a le konekeresi mo galuega fita uma latou te faia e faafetaiaia ai o tatou manaoga ma au lagolago mo le momoliina o la tatou savali i tagata. Faamanuia le Atua ia te oe ma ia faamanuia atu le Atua ia Amerika Samoa!” na ia faaiuina ai.

(E fa’ailoa atu e le Samoa News, o le Polokalame o Atinae o Atumotu o le Pasefika i le East-West Centre i Honolulu na faalauiloa i le masina na tea nei, o le Fono Lona 12 a Ta’ita’i o Atumotu o le Pasefika (PICL), o le a taloina mai ia Setema 12-14 i lalo o le autu “Pu‘uhonua: The Pacific Way Forward. O Amerika Samoa o se tasi o totino o le PICL.)

O se tasi sa tau tauva muamua mo le konekeresi ae le’i manuia, Meleagi Suitonu-Chapman, na ia faalauiloa ia Iulai lona faamoemoe e tauva mo le nofoa o le Sui Usufono ia Novema ma piki ai se talosaga a le sui faatu. Peitai e lei maua lona suafa i le lisi o sui faatutu mo le palota e pei ona fa’alauiloa e le Ofisa o Palota.

I le tali ai o Suitonu-Chapman i le talosaga a le Samoa News mo ni manatu faaalia, na faamaonia ai e Suitonu-Chapman e faapea “ua ou filifili e aua le tamoe” i lenei tausaga ma ta’ua ai mafuaaga autu e lua o le faaiuga e aofia ai ma le luluina e latalata ane i le motu o Ta’u i Manu’a-o lona motu. “A tatou o ese uma i Tutuila, o le a toe popole foi,” o lana tala lea e ala i le imeli.

Sa ia fa’ailoa fo’i o lo’o i ai mana’oga fa’alesoifua maloloina a lona to’alua ma ua mae’a ona kilia e malaga ma o le a faigata ona tu’ua Tutuila.

“Ou te alofa ia Amerika Samoa aemaise o lo’u motu muamua, Chapman Reef i le afioaga o Fitiuta-Leusoali’i, Ta’u Manu’a,” o lana faaopoopo mai lea.