Tala I Vaifanua

UA LE TALIA TALOSAGA E TATALA PAMU KESI AUA A’AFIA I LE FA’ASA

O le ta’ita’ifono o le Asosi a le Aufaipisinisi, Ella Gurr, sa ia talosagaina i le vaiaso ua te’a, le Komiti Fa’afoe o le Coroavirus a Amerika Samoa e tatalaina faitoto’a mo pisinisi tau pamu kesi ae aua le a’afia i lalo o le poloaiga a le kovana e tatala pisinisi mai le itula 6:00 i le taeao e o’o atu i le itula e 6:00 i le afiafi.

O lea poloaiga a le kovana, e fa’atatau i le taofia o le pepesi o le fa’amai coronavirus.

O lea talosaga na mafua ona o le va’aia o le mamalu o le atunuu ua amata ona laina e fia oo i le pamu kesi ae le’i taitai lava ona ta le itula e 6:00 i le taeao lea e fa’ato’a tatala ai lea tautua.

I le vaiaso ua te’a na tali ai le taitaifono o le Coronavirus, ia Iulogologo Joseph e fa’apea, e tatala pea Pamu Kesi, ua fa’atulaga le 6:00 i le afiafi e tapuia ai.

Ua na o le StarKist Samoa ma nisi o ana kamupani tautua o lo’o fa’ataga ona tatala pea a latou galuega i le te’a o le 6 i le afiafi.

TALIA HAWAIIAN AIR TALOSAGA TAOFIA MALAGA MO AMERIKA SAMOA

Ua fa’ailoa e le Hawaiian Airlines le talosaga a Kovana Lolo Matalasi Moliga e taofia i Amerika Samoa mo le 30 aso. O lea talosaga sa auina atu i le aso Faraile ua te’a ia Peter Ingram, peresident of kamupani va’alele.

O le talosaga a le kovana ua fa’aluaina ai le to’atele o i latou ua mae’a fa’aalia o latou manatu i feso’ota’iga fa’alaua’itele, le tatau lea ona taofia malaga a le Hawaiian Air mo Amerika Samoa aua e taofia ai foi le pepesi mai o le coronavirus i Amerika Samoa, ona o lo’o i latou ua fa’amaonia ua maua i lea fa’ama’i i Hawaii ma setete uma o Amerika.

I le taimi nei, ua tutumu nofoaga e taofia ai mo le 14-aso tagata malaga mai fafo e nofo va’avaia i le a’afia o i latou i le cornavirus. I le malaga a le Hawaiian Airlines i le po o le aso Tofi ua te’a sa taofia ai le pasese e 42 mo le nofo va’avaia mo le 14-aso.

“Ua le mafai ona faia suesuega a le Coronavirus i Amerika Samoa, aua le mafai ona tuuina ai e le CDC nei suesuega i le teritori,” o se vaega lea o le tusi talosaga a le koana ia Ingram.

Masalo “o i ai se tasi ua sao atu i tua mai le aumalaga a le Hawaiian Air ae le o mafai ona maua i le malae vaalele i lona to’ai taunuu mai ona e leai i suega nei ua fa’ataga mai e le CDC mo Amerika Samoa,” o se isi vaega lea o le tusi a Lolo.

Ua na’o le Hawaiian Air lea e feso’ota’i ai Amerika Samoa i Hawaii ma Amerika. O le Hawaiian Air o lo’o mafai ona maua le sootaga mo le auina atu o gasegase i Hawaii, ae maise fa’amaumauga mo le sailiga pe fa’amonia se tasi ua maua i le coronavirus.

“Peita’i, ua mae’a ona fa’atauto o a’u ina ia ou tu e ave ma punimatagi i so’o se mea e tula’i mai, ina ia malu puipuia le soifua o le mamalu lautele o le atunuu,” o se vaega lea o le tusi a Lolo ma ia talosaga ai le taofia o malaga a le Hawaiian Air mo le 30-aso pe sili atu foi i luga.

I le aso Faraile ua te’a sa fa’ailoa ai e le so’oupu a le kamupani va’alele, ua talia le talosaga a Amerika Samoa, ma ua auina atu foi le tusi a Ingram ia Lolo.

I le taimi nei, o lo’o tumau pea malaga a le va’alele la’u oloa, i le vaiaso, ma o le a mafai ona tauave ai le meli.