Tala I Vaifanua

FA’ATULAGA MAI ASDOH - TA’I LUA MALAGA A VA’ALELE I LE ASO

I aiaiga o lo’o taumafai ona soalaupule i le taimi nei ina ia mata’i le taumafaiga ia le ulufale mai le fa’ama’i pepesi o le Coronavirus i le atunuu, ua fa’ailoa mai ai  Coronavirus i Amerika Samoa.

I feoaiga a va’alele i le va o Amerika Samoa ma Samoa, ua fuafuaina e ao ina ta’i lua lava malaga a kamupani va’alele ta’itoatasi, Samoa Airways ma le Talofa Air. “Ua taumafai ona fa’aitiitia le aofai o tagata e femalaga’i i le va o Samoa na lua, ma e mautinoa fo’i ua fa’aitiitia ai ma le tele o pasene e tilotilo i ai, e le oo mai ai le Coronavirus i Amerika Samoa mai lea itu o femalaga’iga.”

Ua fa’ailoa foi ua  i ai nei le Coronavirus i Niu Sila.

Ua talosagaina e le fa’atonu o Malae Va’alele ma Uafu i le atunuu, Taimalie Claire Poumele, ina ia toe fa’atuai teisi lea fuafuaga i malaga a le Samoa Airways ina ne’i a’afia ai malaga i le va o Tutuila ma Manu’a.

Ua fa’ailoa mai fo’i e le DOH, “Atonu ua tatau fo’i lona taofia motu le faigamalaga tu’usa’o mai Tonga i Pago Pago  a le Talofa Air i le taimi nei.”

Ua so’o se tasi lava e le o umia se tusi folau Amerika, ua fa’ailoa atu e ao ina talosagaina ni o latou pemita e ulufale mai ai i Amerika Samoa nei, ae o le talosaga fo’i lenei e ao ina mua’i tapena a’o lumana’i le 30 e te fia ulufale mai ai.

O lo’o fa’atalia se fa’aiuga a le malo ma le DoH i a latou fuafuaga ia.

COMMAND MASTER CHIEF  TAMAITAI  USNAVY - CMC JOSEPHINE TAUOA

O se mitamitaga o le afioga Senatoa Muagututi’a Ofisa Tauoa ma le faletua o Sosefina Kelemete Tauoa mai Fagaitua, ina ua a’e manumalo faiva o si o la’ua alo, CMC Josephine  ma ua si’itia ai lona tofiga i le amataga o lenei tausaga ua avea ai nei ma ulua’i tama’ita’i Samoa i le USNavy ua ausia le tofiga Command Master Chief i le USNavy.

O le tamaita’i o Josephine sa fa’auu mai Fagaitua High i le 1996 ma o sana saunoaga tusitusia ua ia fa’afetaia mai ai le tapua’iga mau a nai ona matua ma le mamalu lautele o si ona aiga i ana taumafaiga. E le gata i lea, ae ua fa’afetaia fo’i e ia le tele o talosaga molia e matua ma aiga fa’apea matua fa’aleagaga i Fagaitua mo a latou taumafaiga i le Vaega Au.

“Tu Ieova i le tatou va e mafai ai ona tatou toe feiloa’i i le manuia, ae si’i a’e le vi’iga ia te ia i aso uma. Fa’afetai le mo a outou tatalo, fa’afetai le tapua’iga mau ia oulua o’u matua pele ma lo’u aiga atoa.”