Tala I Vaifanua

lFA'AILOGA FA'APITOA & SIKOLASIPI NU’UULI VOCTECH

I le fa’au’uuga a le Aoga Maualuga a Nu’uuli Vocational Technical High School (NVTHS), i le vaiaso ua te’a sa fa’alauiloa ai i latou ua agava'a i fa'ailoga sikolasipi a le tatou malo mo fanau ua ausia togi ma aiaiga uma mo nei fa'ailoga:

O Agahpay Lina Manase, e ulufale i le ASCC ma amata sailia ai lona fa'ailoga i mataupu fa'ainisinia. Ta'alotausala Tuiasosopo e ulufale fo'i i le ASCC ma amata sailia ai lona agava'a i le Inisinia o Afi tau Diesel.

Sa fa’alauiloa foi ‘au fa’au’u e to'atolu ua le auai i le fa'au'uga ona ua malaga e amatalia koleniga i le Militeri. O i latou nei e aofia ai: Ta'alotausala Tuiasosopo na fa'au'u o ia ma togi maualuluga i ana mataupu sa tau'avea i le a'oga. O ia fo'i o le totino o le NHS. O Tavete Puailoa ma Tamali'i Zodiacal ua mae'a amatalia BCT a le US Army.

Fa'ailoga togisilia ua maua e le tama'ita'i o Jayne F.M Solofa, ma le fa'ailoga tulaga lua ua mauaina e Agahpay Lina Manase - ma o ia foi e togisilia i le Suega SAT.

Fa'ailoga mo le Tama Ta'alo lelei i le vasega fa'aiuaso na maua e James Tapa'atu, ao le fa'ailoga mo le tama'ita'i ta'alo lelei na maua lea e Jayne F.M. Solofa.

Fa'ailoga mo le tama a'oga togisilia i le Poloketi o lana Kosi o tau'avea i le NVTHS ua maua e Jamal Mo'omo'oga Semu Leatiota. A'o le fa'ailoga mo le tama'ita'i a'oga togisilia i lana kosi o tau'ave i le NVTH ua maua e Sofia Mafua.

O le fa'ailoga fa'asikolasipi taua'aoina e le McDonald's ua mauaina e Louisa Woo Ching. Fa'ailgoa fa'apitoa na tapena e le Rotary Club of Pago Pago ua maua lea e Sili Ta'amilosaga.

Fa'ailoga mo le tamaititi a'oga sili ona amio lelei i le tausaga atoa i le vasega fa'ai'uaso ua maua e Sylvester To'atelegese ma le fa'ailoga fa'apitoa mo le Taitai lelei i le vasega atoa ua maua lea e Jayne F.M. Solofa.

E to'a 19 fanau fa'au'u ua maea talia mai i Iunivesite i fafo e fa'aauau ai latou sailiga o le atamai i kosi ua latou filifili ma ua agavaa ai.

SAUNOAGA FAIA'OGA 33 TAUSAGA TAUTUA - ANETONE FUGA

O le a le faapito manu ia tasi, peita'i ona o le tautua ua atoa le 30 tausaga, ma o le toe aso fo'i e iloga ai lona tino i le Nuuuli VocTec High (NVTHS), na si'i ai le matalalaga ma ua manatu e fa'ataua se fe'au fa'apitoa sa ia lagalaga ma fa'ailoa mai e tusa o lona galue ai ma a'oa'o le fanau i tomai fa'amatata eseese, lea e sili ona aoga i le atine'a o le lotoifale o le Malo, i le fausaga o fale, tusia o ata o fausaga o fale, Inisinia o masini laiti i totonu o maota ma laoa o aiga, po'o le fa'aea maluluina o Ofisa ma fale tetele fa'apea ma maota o aiga, po'o le tausia lelei o tino o taavale mo femalaga'iga a le atunu'u ma aiga i a latou meatotino, po'o le fa'aleleia ma le tausia o masini tetele e fa'aaogaina i galuega eseese i totonu o le atunu'u e afua mai le vaomatua i fa'ato'aga se'ia o'o i faigafaiva i le gataifale ma le fela'ua'iga o uta ma pasese i le vainu'u.

O mea uma nei na tolaulauina, ua galulue ai nisi sa fa'au'u mai le NVTHS. Peita'i i tomai eseese, e aofia ai fo'i ta'aloga, o le Vaega Au, ae leai fo'i se latou Polokalama JROTC o fa'atautaia ai. O nei matata uma e o'o lava i masini Komipiuta ma feso'ota'iga Tau Initeneti ma tomai tau Eletoronisi, ua a'oa'oina i le NVTH, o se a'oga e tua i ai le malo i le taimi nei, pe a o'o ina mae'a pasia e i latou a'oga maualuluga i le teritori, pe fa'au'u mai fo'i i le tatou Kolisi Tu'ufa'atasi, ae o nisi fo'i, ua fa'alele atu i fafo e sailia tusi pasi maualuluga, o le fuafuaga taoto lena a le Malo, mo tausaga o lumana'i, pe a o'o ina suia fo'i le taotoga o atamai o i ai nei ae o'o mai le suiga fou o matata eseese e ao ina lava tima'i ai le tatou folauga.

Ua talatala le ali'i faia'oga, Anetone Fuga ma ia fa'ailoa, "Ua ou va'ai i mea lelei, ua ola ma galue fo'i i mea fa'alelelei, a'o le a se a'oa'oga sili ua maua ai e le sui matata eseese, e taumafai lava ona fa'aaoga so'o se mea, e tau ina faia ai le taimi nei, ae fa'amoemoe i suiga lelei o fotua'i mai.”

O le fa'au'uga muamua o le Nuuuli Voctech i le 1989, sa molimauina e ia, na'o le to'a 40 le fanau fa'au'u. Lea ua va'aia ua avea ma fa'auluuluga i le ASPA, ASTCA, Marine Railways po'o le Mea Tosova'a, le Public Works ma le au Tusiata fale. E le'i toe o i fafo, sa mae'a lava le a'oga iinei, ma soloa'i atu i tau'ave tiute i galuega o avanoa mai.

"Ua iloga mai e leai ma se tasi na malaga i fafo, 40 lena sa o uma lava e soloa'i i galuega. Ua soloa'i le au Uela e fa'aaoga o latou tiute i le Industrial Gases, ma le falema'i tele, i le tosolaina eletise ma isi matata fa'auaea fale.  Fa'afetai i le Malo i le tau'ave mai o le matata eseese, aua o le fuafuaga lena mo le taimi nei e atina'e le malo i ana tautua lautele. Ae tatalia le vasega o i latou e fa'alele atu i fafo, ina ia sailia isi atamai loloto atu ia le pa'ulia si o tatou va'a i le lumana'i."

Ua i ai ni suiga ua va'aia, ua fa'aleleia le fale e fa'amautu i ai nisi o matata, ae o lo'o tau fa'aofi lava isi matata i faletuai. Ua fesoasoani mai kamupani mo foa'i i tausaga ta'itasi fa'afetai i le Hawthorne mo mea faigaluega e fa'aaoga e faia'oga ma fanau.

“Ona o le toe aso lenei i le laumua, ou te fa'amoemoe, a'o le'i goto le la i le ola nei, ua ou va'ai ua ta'a'alo fiafia le fanau a'oga i matata eseese i se faleta'alo, ae le toe fa'aaoga le isi fale ma le malae ma'a e faia ai tatou ta'aloga Volley Ball.”

"Ona o le Wild Cat ua masani i lona malosi e gafatia ai ona ola ma faigata, e mataalia, e malosi ma e lelei fo'i lona a'e i so'o se mea maualuga. E fiu faigata, ae tumati'e lava le taumafaiga a le sui ua masani i le ola ma le tiga."

"Seti fa'alelei lau fuafuaga mo le lumana'i, alu i ai, ua e agava'a e taoso lau taumafaiga. O oe e te gafatia mea uma, e maualuga fo'i mea e te a'ea, o outou mama na."