TALA I VAIFANUA

AMATA ALOAIA A’OA’OGA A LE STARKIST MO KASA OONA I NU’U

O se tasi o aiaiga o le sala lea na totogia ai e le Star Kist le $6+miliona i le Fa’amasinoga a le Malo tele, o le fa’ailoa fa’alaua’itele lea i tagata uma o le atunu’u, e ono a’afia i kasa o’ona e pa mai i le latou Uafu, po’o va’a fagota po’o nofoaga fo’i o lo’o fa’atautaia ai galuega a le Star Kist i Satala.

Ona o le vala o le maliliega ua tatau ai ona fa’ataunu’u e le pulega a le Star List lea vaega na tu’u aiaia latou te fa’atino. Ua fa’ailoa mai e Taotasi Archie Soliai, “O lo’o ua amata nei ona aiaia nofoaga ma sui fo’i o le a fa’atautaia folasaga fa’apitoa nei mo le mamalu cautele o le atunu’u i nofoaga i tua i afioaga. Ua fa’atulaga fo’i ina ia amata pea nei fonotaga i afio’aga i totonu o le Fagaloa, lea e mautinoa lava e vave a’afia i nei kasa o’ona o so’o se ituaiga e ono pa mai i ana o va’a, uafu o lo’o fela’ua’i ai i’a po’o totonu fo’i o le falefalgaluega a le Star Kist.”

O nofoaga fo’i e ao ina faia ai nei fonotaga, e tatau ona mafai ona o’o ane i ai le to’atele o tagata e alaala i lena afio’aga ina ia tasi le fonotaga, ae lava ai le silafia o i latou i a’afiaga, ituaiga kasa o’öna fa’atasi ai ma gaoioiga e ao ina faia pe abai o le a fa’alogoina le fa’ailo mai le Kamupani ua pa se ska o’ona.

Fa’afetaia fo’i i lea Kamupani ma le usita’ia o aiaiga na maille fa’atasi i ai i latou ma saini a’ao ai ma le Vaega o Fa’amasinoga a le Malo Tele, USEPA ma le ASEPA ina ia faatino.

Ua fa’ailoa mai e matua fa’asalalauina fa’alauaitele nofoaga ma taimi fa’apea ma afio’aga e faia ai nei fonotaga fa’ala’ua’itele i se taimi e le o toe mama.

OSO I LE SAMI LE PIKIAPU - AE FA’AE’E MAI LE TAGATA FAIGALUEGA DMWR:

Ua mapu mai nei i le falema’i tele i Faga’alu le alii talavou e faigaluega i le Matagaluega e Puipuia le Vaomatua ma le Gataifale lea na fa’ailoa mai na oso lana a’avale i le sami mai le Auala Laupapa i le va o Ofu ma Olosega, i le Manu’atele.

Ina ua fesiligia le Fa’atonu o lea Matagaluega, Va’amua Henry Sesepasara ae fa’aioa mai, “Ou the le’i loa se fa’alavelave na tupu i lea all faigaluega lea, peita’i o le tame new, ua mae’ai ai nei o ia i le falema’i tele i Faga’alu mo ona togafitiga ma saki lelei lona tino.”

O lenei alii faigaluega, ua le mafai ona fa’alauiloa lona suafa ona o tulaga o aiga, ae o le tala mai, o ia e nafa ma le fa’amaumauga uma a lea matagaluega mai le ‘amu, se’ia o’o i alamea, ituaiga i’a esse, ma mea uma lava o lo’o fa’aaogaina i suesuega i le sami a lea fo’i matagaluega ile latou Ofisa Autu i Fagatogo.

Ua leai fo’i se lipoti a leoleo ua faao’o maia mai Manu’a aua e le o feso’ota’i laina telefoni i le taimi nei mo se lipoti maeaea mai leoleo Manu’a e tusa o lea fa’alavelave.

LOUISA ARONA DWYER - FA’AMAU FA’AILOGA FAIAOGA I ST JEROME ACDEMY:

 O se tasi o tama’ita’i faia’oga mai Amerika Samoa, Louisa Arona Dwyer, ua fa’amau fa’ailogaina lona avea ma tama’ita’i faia’oga agava’a tele i le a’oa’oina o fanau i le St Jerome Academy i Hyattsville i le Pule’aga Uosigitone.

O lenei tama’ita’i Samoa sa soifua a’e i Leone, o se tasi fo’i o toton o le Ekalesia Katoliko i Leone Koluse Pa’ia, ma ua matua fa’afiafiaina le to’atele o matua ma fanau a’pga i ana a’oa’oga i lea a’oga a le Ekalesia Katoliko Roma.

Ua atoa ai lenei o le 32 tausaga o lana tautua o se faia’oga i le vasega 6, 7 ma le 8 i St Jerome Academy. I sana saunoaga na fa’ao’o mai i le emeli ua fai mai ai, “Ou te fiatai tele i le ituaiga a’oa’oga lea e fa’atulaga ai a’oa’oga i pots agog i lenei a’oga, ua talafeagai ma le mau, “Ia mua’i iloa e le tamaititi a’oga ola fa’aaloalo ma soifua fa’atasi ma isi i le olaga saogalemu ma le filemu i taimi uma. O le latou iloa fo’i o loo i ai le Atua, ua soifua mautinoa fo’i i latou, e alofaina e le Atua le tagata amiolelei ma le agaalofa i nisi.”

O le to’asefulu o faia’oga na taua’aoina i ai le fa’ailoga o le “Apu Auro” ona ua ausia e i latou agava’a  o le Faia’oga Mataalia ma le Tausa’afia i ona tiute i taimi uma i ana a’oa’oga i ana vasega uma, i tausaga e tele ua ia faia’oga ai, ua afoia atu ai ma lenei alo o Amerika Samoa.”

“E viia le Atua i lenei fa’ailoga, e to’a sefulu i matou ua agava’a ai i le Pule’aga Uosigitone atoa i lenei tausaga a’oga, ma o se fa’afetai fo’i lea i le Atua ua afea lo’u nei sui fa’atauva’a i lana fa’aeaea. Fa’afetai i o’u aiga uma lava o lo’o tatalo i matou tagata faigaluega, ia a’o taurina fanau ia atava’a mo le faafoega o le tatou atunu’u i tausaga o olumana’i.”

O Louisa Arona Dwyer, ua na’o ia le faia’oga mai le a’oga a St Jerome ua agava’a i lea fa’ailoga. O nei fa’ailoga fo’i sa taua’aoina ia Aperila 18, 2018.