Lata ina mae’a Liki Kirikiti Pule’aga Samoa Pago Pago
O se fa’ate’a lelei tele si ona tau’au i le aso ananafi, ae o lo’o tufi polo latalata ane i ai le ta lelei o Akenese Asalemo. [ata: Leua Aiono Frost]
O se va’aiga i le lelei fo’i o le tauau o le tama’ita’i lea o le Tutotonu, ae na sapo’ia lana ta maualuga. [ata: Leua Aiono Frost]
Taumafai mai mo se ‘ai, ae faigata fo’i o lo’o lelei mai tau’au o tama’ita’i te’a a Sisifo i le amataga o le tuliga o latou ‘ai e 38. Malo le taumafai, o le iuga na manumalo le Tutotonu i Sisifo i lea fetauiga mataina. [ata: Leua Aiono Frost]
O le vaega tapua’i, ae tele fo’i le fai pona i le tata a tama’ita’i, ae se’i oo la i le latou taimi, aua e mulimuli le ta’aloga a Ali’i lea e fai ai so latou sao mo le Autalavou Tutotonu a le Puleaga. [ata: Leua Aiono Frost]
Ia o aga ia a le fa’aluma mo le fa’amalosi’au atu i le ‘au te’a ma le talitua’a a le Sone Tutotonu. E le mapu lava le ili o le fa’aili latou. [ata: Leua Aiono Frost]
O se va’aiga i se tasi e lauiloa lona tau’au i le fa’ate’a lelei, Salele’a o le Kirikiti a Fagaitua sa fa’aigoaina ai “E tasi lava le te’a a le Sa’ole” ona toe ta’alo ai lea mo le ‘au a le Sinapati...o lo’o avea ma fa’atonu o le Liki Kirikiti a le Pule’aga Samoa Pago Pago. [ata: Leua Aiono Frost]
Le afioga le Launatausala Toilolo Etueni, le faletua ma le fanau sa auai e maimoa ma tapua’ia faiva o le latou autalavou mai sisifo i le ta’amilosaga Kirikiti a le Pule’aga. [ata: Leua Aiono Frost]