Tusi Fa’aperetania - O Tala Fatu, ae fa’atatau i le Olaga i Samoa:

Pago Pago Tango! 

O le ulua’i tusi o tusi e tolu na tusia, e John Enright, ina ia so’ofaatasi mo se tala’aga atoa o le olaga o le ali’i leoleo o Apelu Soifua. O lo’o i ai ni vaega e fa’ailoa mai ai le olaga faigaluega o le alii malu o le Malo, ona a’afiaga i ana fa’ai’uga i lana galuega, ma ona mafaufauga fo’i e a’afia ai lona olaga tautua ma lana aganuu.

O le a’ai o lo’o fatu aga’i i ai lea tala tusia o Tafuna, ma e ui ina o lo’o manatu le to’atele o atumotu o se Parataiso, peita’i e le o misia lea a’ai ma le tele o ituaiga soligatulafono o lo’o ua fa’atautaia ai.

O le a’ai fo’i ua faigata ona tofia sona sui patino e suia i latou i le faigamalo, aua e to’atele o alaala ai ua mae’a fa’ataumotu o latou fanua, ma ua nonofo tuto’atasi ai aiga. Ua leai se pulega fa’amatai fa’asamoa o lo’o ua faamalosia ai ona fa’avae, e pei uma o isi afio’aga o le atu Samoa.

E pei lava o isi uma a’ai laiti pe tetele o atunuu uma o le lalolagi, o lo’o lutia fo’i i fasiotiga tagata, tele fefaataua’iga ma a’afiaga i Fuala’au fa’asaina ma vailaau oona e oo mai i lenei vaitau, gaoiga ma a’afiaga fa’asoligatulafono i le li’o o aiga, e pei o le sauaina o tina ma fanauiti ma fanau talavou.

O Apelu Soifua o se Leoleo e mata’alia ma ua agava’a i lana galuega, aua sa mua’i avea o ia ma Leoleo i le a’ai o San Francisco lea sa amata ai ona galue o se Leoleo, ma ua oo atu lana tautua i Samoa.

O se mea matauina, e faigata ia Apelu Soifua lana galuega ona o fete’ena’iga i le olaga fa’asamoa ma le tulafono o tau fa’amalosia. Ua leai se fa’aaloalo e tatau ona faia i le taimi o le fa’amalosia o le tulafono, peita’i o le olaga fa’asamoa e matua fa’ailoa lava le ava fealoai i le va o fanau talavou ma tagata faigaluega pe a oo ina tautuaina se tagata matua.

Ua i ai se vaega o lenei tusi ua oo ai le suesuega a le alii Det. Sgt. Apelu Soifua i nuu o lo’o matauina lava e tele ina tutupu ai fa’alavelave ua fa’alagi e le nuu, e tutupu ona ua le fiafia tua’a ua mavae, ua lagomau i tuugamau, ma ua iloga fo’i e le ali’i Malu o le Malo, e le faigofie le ituaiga suesuega pe a oo ina malu’ia le suesuega i ituaiga o tala tau agaga leaga i lea afio’aga. 

Fa’atau sau tusi ma e iloa lelei, e tele na’ua tala tusia nei ua tau saua ai tala moni tau o tatou mafaufauga fa’aleolaga nei fa’asamoa. Tatou talitonuga ma tatou tuumavaega fa’aletagata o atumotu….”E le fo’i fua le mea ua tupu, e ao ina oti se tagata fa’ato’a malilie fo’i tua’a…”

Tusi #2 ”Fire Knife Dancing”

O le tusi lona lua e soso’o ai le talaaga o le olaga tautua o le ali’i leoleo o Apelu Soifua, ma ua talanoa lea tala fatu i mea e tutupu i se fale e tutasi lava ua leva ona tuufua, ma le tele o soligatulafono e tutupu ai i totonu o lea fale.

E toatele nisi e ui ane i autafa o lea fale, ma e tafana e Ezra Strand, ma ua faia fo’i le tiute tau leoleo suesue o Apelu Soifua, ina ia lapata’ia Strand e le tatau lana lea faiga ma ala o le tulafono.

Peita’i, na oo ina fana e Strand le ali’i leoleo…O iina loa ua tetele ai a’afiaga o lenei tama i le solituina o le tulafono.

O Strand ma lona toalua e fai le la’ua ausiva e faimalaga fo’i ma fa’afiafia i a’ai eseese o Amerika e to’atele ai Samoa e alaala ai. O le ausiva fo’i lena sa siva ai Apelu Soifua i vaitaimi o tuuaga umi o le taumafanafana ma taimi avanoa a’o talavou o ia.  O lona uiga o Strand e malamalama lelei i tulafono a faigamalo e lua. O le tele o taimi e aumaia ai Strand e fa’atalanoa i le Ofisa o Leoleo mo sana molimau i mea e tutupu ia te ia e le tautala o ia.

Na matauina fo’i e le ali’i Leoleo le tele o sapalai o la’au malosi ma ututau, peita’i e toe fo’i atu Apelu Soifua e suesue nei mea uma sa ia va’aia, ua matua le toe i ai lava i le fale o Ezra Strand.

O le taimi na toe fo’i atu ai Apelu e suesue nei la’au malosi ma ututau, ae ona maua ai se tino maliu o se tamaitai, ua i’u ai ina masalomia le alii leoleo o ia na fasiotia le tamaita’i lenei.

Tusi #3 “Dead Don’t Dance!”

O le tusi mulimuli e tolu i ai tusi nei o le Dead Don’t Dance ma e maua fo’i lona kopi i le laina feso’ota’i https://loom.ly/Vir5bww

O le tausailiga o ni tali maumaututu a le ali’i leoleo ua alia’i ane ai le tele o mea faufau leaga ma le tuinanau i le oa o le to’atele o lo’o mautofi i le malo o lo’o nofo ai le alii leoleo suesue.

O le ali’i tusitala na tusia nei tusi Mr. John Enright ua toatele ua masani ai i Amerika Samoa, aua ua loa lana tautua i le tatou Malo fa’ateritori o Amerika Samoa. Na sofua a’e John Enright i Buffallo New York i le tausaga 1945.

Ina ua mae’a ona ta’alo o ia i le fa’agatama Baseball ma galue fo’i i le Lackawanna Steel Mills, na ia maua lona ulua’i tusi pasi mai le City College ae galue i le taimi atoa i Mekasini o le Fortune, Time ma le Newsweek

Mulimuli ane sa fa’ato’a ia mauaina lona Masters i Suesuega Tau Talitonuga Eseese ma Talatuu a atunuu eseese i le Iunivesite o UC-Berkeley, ao le’i galue a’ia’i o ia i le vaega o tusitusiga i Niu Ioka, San Francisco ma Hong Kong. I le tausaga e 1981, na ia tuua ai loa le Iunaite Setete ae matua nofo mau ma faia’oga i le Kolisi Tuufaatasi o Amerika Samoa poo le ASCC Pago Pago, American Samoa. Le fa’atausiusiuga o eleele o pulea e Amerika i lona itu i saute.

E 26 tausaga o alma o ia i lea territory ma o nei tala tusia ua ia naunau e faaalia tau ai  le lautele o le au faitau, lona iloa i le olaga ma le aganuu a Samoa. O uiga o tagata ma o se tasi lea o ala ua a’afia ai fa’aiuga fai a le to’atele e tusa ai o latou tiute fa’atino i a latou galuega poo tiute ua tofia e tautua ai.

E tusa ma le 40 tausaga ua tuana’i sa fa’aauau lava ona tusia e ia solo tala i mea tutupu ua ia lipotia, tala pupu’u, tala e ‘auga fa’atasi ma isi mea e tutupu solo i atunuu eseese, tusia fo’i ana fa’amaumauga o mea o lo’o ia molimauina, ma ua fa’aauau pea lava ona ia fa’auia ana tusitusiga eseese nei i mekasini ma isi ala o fa’amaumauga ma fa’asalalauga faalaua’itele.

 Mai ana galuega ia, ae maise ai o lana solo tusia “14 degrees South” na manumalo lea i le tauvaga a le University odSouth Pacific Press’s International Literature Competition. O se tasi lea o solo o lo’o aofia i ana galuega sa fa’atino a’o alaala ma faiaoga i le Kolisi Tu’ufa’atasi o Amerika Samoa.

O lo’o ua nonofo i la’ua ma lona to’alua Connie Payne i Jamestown Rhode Island. O lo ua ia tusia mai ai ana tusi nei e tolu fa’aopoopo i ai ma se tasi tusi o le a fa’alauiloa mulimuli atu.

Maua nei kopi i le laina feso’ota’i:https://loom.ly/KHB9Lg0