To’a 8 sui fou mo le Maota o Sui i le faaiuga e le aloaia o le Palota

E to’a 8 sui fou e aofia ai ma se Tama’ita’i ua manumalo mai mo nofoa o a latou itumalo i le Maota o Sui i le Fono Faitulafono, e pei ona fa’aalia i le fa’aiuga e le aloaia i le sailiga tofi a Amerika Samoa i le aso ananafi.

O sui fou e to’a 8 ua filifilia mo le nofoaiga fou a le Fono Faitulafono e aofia ai le Tama’ita’i e to’atasi mo le Itumalo o Fofo, susuga Andra Samoa, lea ua malolo ai Fagaoatua Dorian Salave’a; o Fau T. Sai mo le Itumalo o Manu’a #2, lea ua sui tulaga i le nofoa na tauave e le afioga a Toeaina Faufano Autele e lei toe tauva o ia; o Tupua Shawn Vaa lea ua malolo ai le tofa Lavea Fatulegaee P. Mauga o le Itumalo o Vaifanua; o Gene Luaitaua Pan lea ua malolo ai Fialupe Felila Fiaui Lutu mo le Itumalo o Sua #1; o Vesiai Poyer Samuelu lea ua malolo ai Veevalu Meauta Mageo mo le Itumalo o Maoputasi #3; Loia Gutu lea ua malolo ai Matagi Malotumau Sialega Mauga mo le Itumalo o Sua #2; Logoituau Mark T. Atafua lea ua malolo ai Sala Sataua Dr. Mataese Samuelu mo le Itumalo o Ituau Malosi, ma le susuga Larry Sanitoa lea e toalua i ai sui mo le Itumalo o Tualauta, ina ua malolo ai le afioga a Vui Florence Saulo.

O le fa’aiuga fo’i o le palota ua manino mai ai le toe filifilia o le afioga i le Fofoga Fetalai ia Savali Talavou Ale i le nofoa a lona itumalo o Alataua, i le mae’a ai lea o se tausinioga mataina ma isi sui e to’alua o le itumalo o Alataua.

E lua nofoa e lei palotaina, ina ua leai ni sui tauva latou te lu’iina nofoa o loo nofoia e sui ia e to’alua, lea e aofia ai le afioga a Kitara Vaiau o le Itumalo o Saole; ma le afioga a Vailoata E. Amituana’i mai le Itumalo o le Maoputasi #1.

O sui faipule tuai ua toe manumalo mai i nofoa a o latou Itumalo e aofia ai Fetu Fetui Jr ma Vesi Talalelei Fautanu Jr; Titiali’i Kitara Vaiau; Vailoata E. Amituana’i; Vailiuama S. Leasiolagi; Vaetasi Tuumolimoli S. Moliga; Manumaua Wayne Wilson; Savali Talavou Ale; Samuel Ioka Ale Meleisea; Timusa T. Lan Yuen, ma Gafatasi Afalava.

O le fa’aiuga la lea e le o aloaia mo le tausinioga i le maota o sui a le Fono Faitulafono a le atunu’u.

Itumalo #1 - Manu’a #1: Fetu Fetui Jr - 366 ma Vesi Talalelei Fautanu Jr - 264

Itumalo #2 - Manu’a #2: Fau T. Sai - 161

Itumalo #3 - Vaifanua: Tupua Shawn Vaa - 288

Itumalo #4 - Saole: Kitara Vaiau - 240

Itumalo #5 - Sua #1: Gene Luaitaua Pan - 163

Itumalo #6 - Sua #2: Loia Gutu - 127

Itumalo #7 - Maoputasi #1: Vailoata Eteuati Amituana’i - 259

Itumalo #8 - Maoputasi #2: Vailiuama Steve Leasiolagi - 135

Itumalo #9 - Maoputasi #3: Vesiai Poyer Samuel - 206

Itumalo #10 - Maoputasi #4: Vaetasi Tuumolimoli S. Moliga - 109

Itumalo #11 - Maoputasi #5: Faimealelei A. F. Allen - 171

Itumalo #12 - Ituau: Manumaua Wayne Wilson - 634 ma Logoituau Mark T. Atafua - 538

Itumalo #13 - Fofo: Andra Samoa - 359

Itumalo #14 - Alataua: Savali Talavou Ale -266

Itumalo #15 - Tualauta: Larry Sanitoa - 981 ma Samuel Ioka Ale Meleisea - 820

Itumalo #16 - Tualatai: Timusa Tini Lam Yuen - 198

Itumalo #17 - Leasina: Gafatasi Afalava - 239

Motu o Swains - Su’a Alexander Eli Jennings.