TALA I VAIFANUA

Pago Pago - AMERIKA SAMOA

FA’ASOLOGA I LATOU UA MAUA AI VERUSI O LE COVID-19 - FAAIUGA O LE VAIASO TE’A NEI:

Mai le fa’aiuga o suera o le Covid-19 na faia ia Mati 05, 22 na sueina ai le to’a 174, maua le lofai e 14 au fa’amaonia ai le verusi, tu’ufa’atasiga atoa mai o e au fa’amaonia ai le verusi o le Covid-19 - mautinoa le 229 o i tatou.

I le taimi nei ua tula’i mai i le 80.6% peita’i o le to’atele na toe faia o matou tui puipuia e 1567 ia Mati 05, 2022, lea sa fa’asolo i luga o ta’avale i le Malae Va’alele, mai le itula e 8:00am i le 2:00pm.

Mai le aso Faraile i le afiafi ia Mati 04, 2022, na fa’amaonia mai ai le to’a 61 o e ua maua ai verusi o le Covid-19. O latou na sa fa’amaonia mai le toa 559 i latou na faia suega o le Covid-19. O lea faitauga ua aofia ai ma le to’alima o ali’i leoleo o le tatou Malo o loo tiute i taimi uma. O le to’a 61 lena sa fa’amauina ai le aotelega o covid-19 ua oo i le 215. E le’o i ai lava fo’i se tasi ua fa’amauina ua taofia atu i lenei aotelega o e ua maua i le Covid-19. O se mea lelei lea, aua ua iloga o loo manu’a i tatou ae mitimiti. 

O lo ua fa’ailoa mai le fa’aauau pea lava o suega ma tuiga mo le Covid-19 i le vaiaso fou lenei Mati 07-11, 2022. Ua faatulaga fo’i nofoaga faapitoa mo suega o le a fa’alauiloa mulimuli mai, fa’apea ma nofoaga o le a faatautaia mai ai fo’i ma tuiga. Ona o lo ua fa’atasi mai nei nisi o tatou pa’aga mai le Malotele i nei galuega uma, ua taofia ai le fa’alauiloaga o nofoaga e faia ai nei tautua mo le lautele se’ia mae’a pasia 

MAGATOLU LE FESOASOANI A LE MALO TELE UA TAUNUU MAI:

Ua fa’amautinoa mai e le FEMA e ala i a latou lipoti ua mae’a fa’amauina, “E magatolu a latou galuega fesoasoani o le a fa’ataunuu i lenei faigamalaga ua to’ai mai i Amerika Samoa ia Mati 04, 2022.” 

“O le a matou fa’alauteleina atili le fa’asologa o le tuiga lea e le’i silia ma le 80.6% o le atunuu ua mae’a faia tui puipuia; e fa’asolosolo atu i Afio’aga ta’itasi uma lava o le teritori. Fa’atautaia o togafitiga e ta’itasi lava tui e mafai ona fesoasoani atili i e ua atoa le tausaga talu ona faia tui puipuia o le Covid-19 lea e tali tutusa ma le Booster; ma latou toe taga’i toto’a lava i le se fa;alautelega ma le fa’aleleia atili o le tautua mo tagata ua fa’apo’ia i le Covid-19 pe afai o le a faataotolia i lea gasegase ona ua tigaina.”

E toa 55 le aumalaga ae to’a 56 i le tatou Sui Faipule i le Konekeresi Uifaatali Aumua Amata, na fa’ato’a taunuu mai i fanua o Amerika Samoa i le itula e 1:30 i le aoauli o le aso Faraile na te’a nei. O sui uma e to’atele i le aumalaga a le FEMA ma le Dept. Human & Social Services a le Malo tele.

Ua faailoa mai o le itu lea na autovaa mai le DOH a le Malo tele ua aofia ai le to’a 30 o Foma’i, Tausima’i ma sui Foma’i faapitoa mo le togafitiga lo gasegase e auga i le tau le au le manava fa’atasi ai ma nisi o foma’i fa’apitoa mo fa’amaumauga o le gasegase pipisi, e malaga mai o sui o le CDC.

Ua fa’ailoa mai o lo’o malaga mai le vaega a le HHS ma le tele o tui puipuia ma nisi o mea e fa’aaogaina mo togafitiga o le Covid-19.

O le vaega fa’apitoa a le USArmy Corp of Engineers o le a latou fa’atula’ia se nofoaga e fa’alautele atu i ai le vaega o le LBJ lea ua mae’a fa’avasega mo le Togafitiga o gasegase Covid-19 i le atunuu.

O le fesoasoani lea a le FEMA e afua mai ia Mati 04, 2022 ua tula’i mai nei e $6.4miliona.

AIAIGA FA’APITOA MO PASESE A LE VA’ALELE MATI 10, 2022 MAI HAWAII:

Ua fa’ailoa atu e le Kamuani Va’alele a le Hawaiian Air i a latou pasese uma ua fa’atulaga mo le le aso 10 Mati, 2022, o le a tu’ua e le va’alele le malaevaalele i Honolulu i le itula e 1:59 i le aoauli o le aso Tofi o le vaiaso nei. O le a tulaueleele i Tafuna i le itula e 6:44 i lea lava aso, e tu’ua e le va’alele le tatou Malaeva’alele moHonoluu i le itula e 9:35 i lena lava afiafi.

Ona o lo’o tapunia le tatou Ofisa o Va’alele a le Hawaiian Air i le taimi nei ona o le Fa’asa Lanu Mumu, o lea ua vave ai ona fa’ailoa atu lea fa’asalalauga taua mo le mamalu o e uma e fia malaga ai i le tatou malaga lea.

Mo le vasega o e uma e fia malaga e tatala faitoto’a o le Ofisa o le Hawaiian Air mo pasese totogi i le itula e 1:30pm se’ia oo i le itula e 8:00pm i le aso lava lea o le malaga.

E matala faitoto’a mo le siakiga o le aumalaga i fafo i le itula e 6:00pm se’ia oo i le itula e 8:30pm tapunia loa e le toe tatalaina.

O lo ua fa’ailoa manino atu lava, e ao ina fa’aaoga mai a tatou pupuni fofoga i taimi uma ma o le a fa’atulaga fo’i avanoa e tutula’i ai e fa’atali le siakiga o le aumalaga ma le fa’asologa o pasese.

Ua na’o sui lava e malaga e talia ona tutu i le laina, e taulia ai se isi e le o se sui malaga.

O lo ua faailoa mamao atu, ua na’o sui lava e malaga e mafai ona fa’ataga ona malaga i totonu o le malae va’alele ma e tapunia aloa’ia lea fa’atagag i le itula e 8:00pm. Afai e te tuai mai ua tapunia le faitoto’a lea mo le ulufale i le malae va’alele. e le toe tatalaina le faitotoa ia te oe.

Pe afai o le a le usita’ia mai nei fa’asalalauga taua, o le a aveesea sa’o mai oe e leoleo o le Malaeva’alele i soo se taimi ua e le usita’ia ai nei tulafono mamalu o le fa’asa lanu mumu a le tatou Malo.

 O lo ua mafai ona fa’amauina lou avanoa e te malaga ai pe afai e te fa’aaogaina mai le Itulau o le TalofaPass i ala feso’ota’i tau Upega Tafailagi ma lesitala mai fo’i i le Hawaii Safe Travel Program mo lou ulufale ai i Hawaii. E i ai au suega o le Covid-19 e ao ina faia mo sui uma lava e le’i faia ni tui puipuia o le Covid-19, poo nisi foi e le’i faia tui e lua, ae na’o le tasi ua faia, fa’apea ai ma le fanauiti ua i lalo ane o le 5 tausaga le matutua.

O lo’o fa’ailoa atu ia te outou i sootaga o le TalofaPass ma le Hawaii Safe Travel taimi ma aso e tatau ai ona faia ma fa’aulu atu nei fa’aiuga o suega o le Covid-19.

Mo e faimalaga, ia utagia mai e uumi laina mo lenei tautua ona o lee utiuti fo’i o le taimi e tatalaina ai, ona o le fa’asa lanu mumu o i ai nei le atunuu.

O le sui lava o le a muamua ma vave mai, o le a vave fo’i ona mae’a tautuaina.

O le aumalaga uma mai ia Mati 10, 2022 i totonu o le atunuu ua fa’atulaga se taimi pu’upu’u o le a nonofo va’ava’aia ai, aua o lea ua po’ia le lautele o le atunuu i le fa’ama’i covid-19.

Ua fa’atulaga mai nei le to’am312 ua mae’a leistala e fia malaga mai i Amerika Samoa ia Mati 10, 2022. O le a fa’anofoesea i Fatuoaiga, Sadies by the Sea ma le Falema’i Fou i le Malae Va’alele.

Ua mae’a aiaia i le fonotaga a le Komiti Faafoe o le Covid-19 i le aso Faraile o le a faia suega i le 72 itula talu ona fa’ato’ai mai le aumalaga, ma o i latou lava o le a mama mai le Verusi Covid-19, e malaga loa lava i aiga. Ae o nisi o le a fa’amaonia o i ai verusi Covid-19, e taofia lea mo le lima aso fa’ato’a tatala ai e malaga i aiga.

TUFATUFAINA PEPA MEA’AI $200. A LE TAMAITITI AOGA MO LATOU MEA’AI: ASDOE:

Ua fa’atulaga mai le aso Lulu o le vaiaso nei o le a tufatufaina mai ai le pepa e talafua ai mea’ai a le tamaititi a’oga e to’atasi e $200. ma e tufaina mai le a’oga o lo’o a’oga i ai lou alo.

E faatasi lava ona maua lea alamanuia, ina ia mafai ona tausia lelei le fanau a’oga i o latou aiga i aso ta’itasi ua fa’amamaluina ai le Fa’asa Lanu Mumu i le atunuu.

Ua matua fa’asaina lava le tamaititi aoga ona malaga ane e talia lea aofai o pepa e talafua ai mea’ai mai o latou faleaoga, peita’i ua fa’atagaina ai nao matua poo i latou ua tusia o e tausia le tamaititi aoga mo lea alamanuia.

Ua fa’atonuina fo’i le mamalu o matua ma e ua fa’atulaga e alu ane e piki nei pepa e talafua ai mea’ai a le fanau a’oga, ina ia fa’aaoga mai lau pupuni fofoga, ma ia oo ane i lea aso ma fa’avava mamao mai le isi ou sui a matua o lo’o outou laina fa’atasi, ia tu mama ma fa’amama lelei o tatou lima a’o le’i oo ane i le aoga.