Tagai totoa Soifua Maloloina le ono maua o le misela i le atu Pasefika

Pago Pago - AMERIKA SAMOA

I se pepa o fa’amatalaga mai le Matagaluega o le Soifua Maloloina i le Aso Faraile ua te’a, o lo’o fautuaina ai e le Matagaluega le mamalu o le atunu’u e fa’atatau i se tulaga e ono maua ai le misela i totonu o le itulagi lenei i le pasefika.

E mafai ona faapitoa le misela ogaoga mo pepe, tamaiti i lalo o le 5, fafine maʻitaga, ma tagata e vaivai le puipuiga o le soifua maloloina. 

Fa’ailoa e le Matagaluea, e sili atu le pipisi o le misela nai lo le COVID-19.

Ina ia nofo saogalemu, fautuaina e le Soifua Maloloina le atunuu, ia mautinoa o loo faafou au tui MMR. E mana'omia e tamaiti a'oga fai le tui e alu ai i le aoga. 

So'o se tamaititi a'oga e le'i faia se tui e ono talosagaina e nofo  i le aiga. 

O lo'o fa'amanatu atu e le Soifua Maloloina nofoaga mo le tausiga o tamaiti ina ia galulue fa'atasi ma le DOH Immunization Program ina ia mautinoa e agava'a e fai tui puipui o tamaiti pe atonu e tapunia ile fitu aso. 

O nisi o fautuaga mai le Soifua Maloloina, va'ai mo ni fa'ailoga o le misela, e aofia ai le fiva, mata piniki, tale, tafe le isu, ma le mageso. Soo se tasi fa'aalia fa'ailoga o le misela e tatau ona nofo i le fale, vavae'ese mai isi, ma vala'au le DOH Hotline 219.

A asiasi i so'o se falema'i faaitumalo a le Matagaluega o le Soifua Maloloina, fa'amolemole fai se tali fofoga mo lou puipuiga ma isi. 

O le nofoaga o le Tafuna Family Health Center e tatala mai le 4pm i le 6pm amata ile Aso Tofi, Mati 9. 

Soo se tasi e asiasi i le falema'i faaitumalo mo le tui MMR e talosagaina e aumai a latou pepa tui ma pepa fanau.