Suiga faamalosia mo femalaga’iga ona o le Coronavirus

Ua maea ona tuufa’atasia nei le fa’asa e ao ina faamalosia mo femalaga’iga i le va o Amerika Samoa ma isi malo uma o lo’o tatou feso’ota’i i ala o femalaga’iga, va’alele po’o va’afolau, ona o le coronavirus, ma ua mae’a fo’i ona va’aia i latou le foma’i, 3 aso a’o le’i faimalaga.

Mo i latou e umia tusi folau Amerika e le tau nonofo i latou i le 14 aso pe a mae’a kilia mai i latou i fa’ama’i pepesi, e aofia ai le Misela ma le Coronavirus. Pe afai e malaga mai i latou mai Honolulu, Hawaii.

O le a fa’amalosia tagata Amerika Samoa uma e toe ulufale mai i Amerika Samoa ae ua matauina sa malaga i nisi o setete ma malo ua a’afia i le Coronavirus.

Mo i latou e malaga mai Samoa i Amerika Samoa nei, ua tatau ona e taulimaina le kilia ma’i mai Tafuna Heath Clinic, sainia fa’apitoa e se foma’i ma le fa’atonu o le Matagaluega o le Soifua Maloloina a Amerika Samoa.

Pe afai e te alaala e silia ma le tolu aso i Amerika Samoa, e tatau ona umia lou kilia ma’i mai Samoa, ma e tatau lava ona maua lea kilia tolu aso mai le aso e te malaga mai ai i Pago Pago nei.

Mo nisi uma sa malaga mai isi malo e ese mai Samoa e aofia ai Ausetalia, Niu Sila Fiti ma Tonga ma e toe fo’i, e tatau ona nonofo nei sui uma i Samoa e toe va’aia ai le foma’i ma fa’amaonia ai lo latou kilia mai fa’ama’i pepesi, ona fa’ato’a mafai lea ona kilia e malaga mai i Amerika Samoa.

Ua toe taofia se fuafuaga e fa’aitiitia malaga a va’alele i le va o Samoa e lua.

Ae o malaga a le Talofa Air i le va o Tutuila mo Tonga ua taofia i le taimi nei. Ua taofia foi malaga togipua i le va o Samoa e lua.

O malaga uma a Meli La’u Pasese tetele sa fa’atulaga e afea le malo o Amerika Samoa ua taofia fo’i.

O pemita uma lava ua taofia nei sei vagana ai i latou e malaga ua mae’a i ai o latou pepa fa’amaonia e toe ulufale mai ai.

O lo ua fa’ailoa mai fo’i e le Matagaluega o le Soifua Maloloina, i so’o se tasi o lo’o fia malaga i soo se atunuu poo se setete ua aafia i le Coronavirus, ina ia taumafai lava e fa’aumiumi o e toe manatu i lau malaga ese atu.

O le mamalu fo’i o le atunuu o lo’o i fafo atu o le tatou atunuu, ua fautuaina ina ia taumafai nei e toe taliu mai i fanua, a’o le’i fa’afaigata atili tulaga o fa’asa mo femalagaiga.

O sugia nei ua fa’amauina, e mafai fo’i ona toe fa’aopoopo mai nisi aiaiga pe toese nisi aiaiga i so’o se taimi e fingalo ai ta’ita’i o le a suia vave ia mautinoa lava le saogalemu a’ia’i o le atunuu.

Ua fa’ailoa mai fo’i e la afioga le Kovana Sili lona fa’atula’ia o se Komiti Fa’apitoa mo le Coronavirus i le taimi nei, ae ua ta’ita’ia lea e lana Fesoasoani Sili, Iulogologo Joseph Pereira. E to’a 21 totino o lea komisi.

F’aalia e le alii foma’i a le VA Dr Fred Uhrle, “O le 14 aso lea e nonofo ai tagata i Hawaii e leai lava se uiga, aua e leai ni auga o le mai e alia’i mai ae ua mae’a pasia atu e le sui ua i ai le coronavirus i le isi tagata a’o le’i alia’i ni suiga i lo latou soifua.”

“O le lona fa i le lima aso ua maua ai se tasi i le coronavirus e mafai ai ona pesia se isi ia te ia,” o se tala lea a Urhle. “O le taofia fua o tagata uma i Hawaii mo le 14 aso e tele ai tupe fa’aalu mo tagata femalaga’i.