Pasia Maota o Sui tupe fa’asoasoa fa’aopoopo tausaga tupe 2023

Pago Pago - AMERIKA SAMOA

A’o lei pasia e le Maota o Sui lana pili o le tala o le tupe faasoasoa faaopopo, e $7.4 miliona ile Aso Lua, na saunoa le Faipule o Tualauta, Afioga a Larry Sanitoa, i se vaega o manaoga mo le Teritori, e faaaoga iai le $500,000 mai le $1 miliona na faaagaaga mo le faamanatuina o le 75 tausaga talu ona fa’avaeina le Fono Faitulafono. 

Na ia faamanatu ane  tupe totoe o le tala o tupe o le tausaga tupe 2022, mai le paketi a le Fono, e faaaoga i mea o loo mana’omia e le Fono.  Na ia faamanatu ane foi o le tupe faasoasoa a le Fono FY2023 e $9,116,500; 

O le aofai lea ua iai ma le faasiliga e $1 miliona mai le paketi a le Fono,  Fono's FY2022  e $8,116,500.” 

Na ia saunoa foi o le Pili a le Maota,  House Bill 38-01 na siitia ai le paketi a le Fono, Fono's FY2023 ile $500,000  ina ia mafai ai e le “Fono Faitulafono ona faagaioi vaega o loo sili ona mana’omia, e le Fono, e le’o aofia ai i totonu o le paketi po le tupe faasoasoa o le tausaga tupe 2023.”

Ae na faamanatu atu foi e le afioga a Sanitoa le siitia ai e le Maota o le paketi a le Fono mo le tausaga tupe 2023 ile $1,000,000  mo le Fono Faitulafono mo le faamanatuina o lona 75 tausaga. 

"Ae o le taunuuga, ole Pili a le Maota HB-38-01 ua oo ai le tupe faasoasoa a le Fono, FY2023 i le   $10,611,500 million.

”I se faatusatusaga atu iai, ua tele atu lena tupe nai lo le tupe faasoa tausaga tupe 2023 mo le Matagaluega o le Saogalemu Lautele ($5,855,500) ma le Matagaluega ole Pulega o Uafu ma Malaevaalele tuufaatasi"  

E tusa ai ma le saunoaga a Sanitoa, o le Lipoti o le Tupe a le Malo o Amerika Samoa, o Setema 30, 2022, na agia ile saunoaga a le Afioga ile Kovana, Lemanu P. S Mauga, e le'i faaaogaina e le Fono le $603,997 o lana tupe faasoasoa mo le tausaga tupe 2022. 

"E tatau ona silafia e tele manaoga e ao ona taga'i iai, pei o faafitauli i ovataimi a le Matagaluega ole Saogalemu Lautele, tagata faigaluega a le EMS, o poloketi sili ona mana'omia pei o Ofisa ole Saogalemu lautele i le itu atu i Sasa'e, o poloketi a le malo e le'i uma, pei o le Aoga tulagalua, a Pava'ia'i, ma le fale o le malae tapolo i Iliili."

Saunoa foi le faipule o Tualauta, nai lo le faaopopo o nisi tupe mo le tausaga faale tupe FY2023 pei ona faatu ane e le Pili a le Maota 38-01, o lona faamoemoe ia faaititia tupe o loo mana'o iai le Fono, ia tutusa ma le aofai o tupe o loo totoe mai le tala faasoasoa o le tupe FY2022, ma ia toe fetuunai ai le faaaogaina o tupe mo ni faaletonu o loo tupu pea.

"Lona uiga, nai lo le mananao i se faaopopoga e $500,000  e faatupe ai mea e le'o i totonu o le FY2023, ia faaaoga iai tupe totoe e $603,997 mai le FY2022" ma toe fetuunai le faaaogaina o le $500,000 mai le $1 miliona ua faaagaaga mo le 75th Annivesary mo nisi manaoga e sili atu.

Ua faamaonia ai le tala o le tupe faasoasoa FY2023.