Fa’amaonia e le FEMA le afa-miliona tala tupe poloketi fou a le falema’i

Pago Pago - AMERIKA SAMOA

Ua faamaonia e le vaega fetarale a le FEMA, le sili atu i le $500,000 tupe feterale i lalo o le polokalame Hazard Mitigation Grant Program (HMGP) tupe mo le falema’i o le LBJ i lana poloketi fou e puipui ai vaega o le falemai mai i afa ma matagi malolosi. 

O Kathryn Lipiecki, o le faatonu o le Mitigation Division i le FEMA Region 9, i se tusi i le vaiaso ua te’a na faailoa atu ai i le Lutena Kovana, Talauega Eleasalo Ale, le faamaoniga o le fesoasoani ma ua tuuina atu mo le LBJ mo le aofaiga atoa o le tupe e $584,800 o le tau o le galuega ma 100% fa'atupeina e le feterale. Ma ua avanoa fo'i tupe mo le fa'asoa.

O le Vaaiga o Galuega mo le poloketi o loʻo aoteleina i le tusi a le FEMA, o loʻo taʻua ai e faapea o le LBJ "ua fuafua e faʻapipiʻi pupuni i fafo i totonu o uarota/potu e lima e maua ai le tausiga ogaoga".

E le gata i lea, matua fa'aitiitia le mana'omia mo fa'alavelave fa'afuase'i i le lumana'i ma le lamatiaga o fa'aleagaina faifaipea e mafua mai i matagi malolosi po'o afā fa'aleagaina i le falema'i e ala i le fa'apipi'iina o pupuni o afā/matagi malolosi.

"O le sini o le poloketi o le puipuia lea o faamalama ma totonu o le fale mai le felelei solo i taimi o afa," o le tala lea a le tusi. Ma o uarota/potu uma e lima o le falema’i o loʻo mauaina tapuni o loʻo i tua o le fale, ma o le a leai se mea e faʻalavelave ai le eleele e fesoʻotaʻi ma le poloketi.

Faaalia e le FEMA, o le faasologa o galuega e aofia ai ma le talosaga o le poloketi o loo faailoa mai ai e 30 masina e faamaeaina ai le galuega; o le mea lea, o le aso e maeʻa ai le poloketi o Fepuari 1, 2026.

O le Ofisa a le malo o Amerika Samoa, le ODAPM, na tuuina atu e fai ma sui o le LBJ, le talosaga, i lalo o le polokalame tupe o le Building Resilience in Community (BRIC) mai le FEMA.

Na fa’amanino e le Fa’atonusili o le ODAPM ia Lisa Tuato’o e fa’apea, o le LBJ o se sui o le komisi a le malo mo le Fa’aitiitia o lamatiaga i le teritori, o lo o ta’ita’ifono ai e Talauega, ma o lo o fa’amaopoopoina e le Ofisa o le ODAPM o lo o fa’afoeina tupe o le polokalame o le Fa’aitiitia o lamatiaga.

Faaalia e le tamaitai faatonu o lea poloketi a le LBJ ua fa’amonia le fa’atupeina e le FEMA o se tala manuia lea mo le teritori.

“Viia le Atua mo le tele o le galulue soosootauau. Matou te galulue

faʻatasi, matou te manumalo faʻatasi,” o lana tala lea.