Fa’amaino e Lemanu naunauta’iga o le teritori e avea ma nofoaga autu o Amerika i le Pasefika

Pago Pago - AMERIKA SAMOA

I le vaiaso na tea nei o le Fonotaga i le laumua i Uosinitone i le va o kovana o le Iunaite Setete ma le Failautusi o Tamaoaiga a le fetarale, na faamamafa e Kovana Lemanu P.S. Mauga le tatau ona avea o Amerika Samoa ma nofoaga autu o Amerika i le Pasefika mo tekinolosi, soifua maloloina, a'oa'oga, ma fefa'ataua'iga tau tamaoaiga.

O le tala lea i se pepa o fa’amatalaga mai le Ofisa o le Kovana ia Lemanu, sa i Amerika i le vaiaso ua te’a e auai i fonotaga aoao tau inivesi i Amerika ma ona teritori.

I le pepa o fa’amatalaga, fai mai le ofisa o le kovana o le fono a kovana ma le Failautusi o Tamaoaiga a le fetarale, o se avanoa lea mo Lemanu e faasoa ai mataupu talafeagai o loo feagai ma Amerika Samoa i aso nei, ma aoao mai isi Kovana o le Setete i le auala latou te foia ai luitau faapena.

Na fa'ailoa e Lemanu ia luitau tulaga ese o lo'o feagai ma Amerika Samoa o se teritori mamao a Amerika i le Vasa Pasefika. O se tasi o mea taua i mataupu o loo feagai ma Amerika Samoa o lona nofoaga mamao, lea e maua ai le tele o luitau i le alualu i luma o le tamaoaiga o le teritori ma atinae tetele.

Na faamamafa e Lemanu le tatau ona avea Amerika Samoa ma nofoaga autu o le Pasefika i Amerika mo tekinolosi, soifua maloloina, a'oa'oga, ma fefa'ataua'iga tau tamaoaiga.

I le taimi o le fonotaga, na maitauina o le faʻatagaina ma femalagaiga i totonu o mataupu taua na talanoaina. Na taua e Lemanu o Amerika Samoa pulea lava e ia tulaga o femalagaiga e ulufale mai ai i le territori.

Ma o lenei faiga e ese mai le tulaga femalagaiga a le feterale i ana faiga fa’avae, ma e mana'omia se pemita e ulufale ai i Amerika Samoa mo galuega po'o faamoemoega nofomau.