Fa’ainumaga lona fa fualaau mo le tofia o le fa’ama’i, mūmū tutupa

Pago Pago - AMERIKA SAMOA

Ua fa’alauiloa e le Matagaluega o le Soifua Maloloina (DoH) e fa’apea o le vaiaso fou ole Aso Gafua, Aukuso 14 e oo ia Setema 22 - ua faatulaga ai le taamilosaga o le inumia lona fa o fualaau mo le tofia o le fa’ama’i, mūmū tutupa i Amerika Samoa.

Ma ua fa’ailoa e le vaega fetarale, US Centers for Disease Control and Prevention (CDC) e fa’apea, o Amerika Samoa o le teritori mulimuli lea o Amerika o loʻo iai pea lea fa’ama’i matautia. 

I se fa’aaliga i le vaiaso nei, na fa’ailoa ai e le DoH e fa’apea, o le mūmū tutupa, o se fa’ama’i e mafua mai i anufe, e feaveai e namu e mafua ai le fula fa’afuase’i o lima, vae ma isi vaega o le tino, ma mafai ai ona matua’i le atoatoa.

“O lou auai ma le inuina o au fualaau o le a fesoasoani e taofia ai le sosolo o le siama,” o le tala lea a le DoH, lea ua fa’amoemoe e fa’alauiloa i se taimi lata mai fa’asologa o nofoaga mo le inumia o fualaau. 

Fa’ailoa e le afioga i le Kovana Sili, Lemanu P.S. Mauga e fa’apea, o le a amatalia le fa’ainuina o fualaau o le mūmū tutupa, ma ua ia uunaia tagatanuu uma ina ia auai i nofoaga mo lea fa’amomoe.

I lana poloaiga fa’alauaitele, sa taua ai e Lemanu, le naunau o le Ofisa o le Kovana ma le DoH e taofi le sosolo o faama’i e mafai ona puipuia i le teritori. 

E le gata i lea, o tagata o Amerika Samoa ua lamatia i le maua i lenei faamai; ma le DoH, i le faiga faapaaga ma le CDC ma le Faalapotopotoga o le Soifua Maloloina a le Lalolagi (WHO), e taumafai e aveese le mūmū tutupa, mai le teritori. 

O le taunuuga o lea taumafaiga mataina, ua mafai ai e le DoH ona tuuina atu nei vailaau i tagata o Amerika Samoa i luga o le ofo fua e aunoa ma se totogi.

Saunoa le ali’i kovana e fa’apea, ua faia e le DoH se vaega fa’apitoa mo le tufatufaina atu o fualaau nei i totonu o le teritori, ma o le a tu’uina atu i sui ta’ito’atasi se fa’amatalaga e uiga i le tele o penefiti fa’afoma’i atoa ai ma a’afiaga ua iloa e a’afia i vaila’au e tusa ai ma tulafono o lo o fa’atatau i ai.

Ma sa ia tautino e faapea: “o vailaau e tuuina atu ua faamaonia e saogalemu ma aoga.”

I le CDC, fai mai lea ofisa feterale o loʻo galulue faʻatasi ma paʻaga, aemaise lava le DoH, e faʻatino auala e faʻaumatia ai le mumu tutupa na fautuaina e WHO. O nei mea e aofia ai le tufatufaina atu o vailaʻau puipuia i nuʻu e ala i le tele o faʻasalalauga faʻasalalauga ma suʻesuʻeina masani le aʻafiaga o faʻamaʻi pipisi.

Ia Oketopa 2021, na amata ai e le DoH le taamilosaga lona tolu o le fa’ainuina o fualaau o le mumu tutupa i Amerika Samoa

Mo ni fesili, vili le DoH ile 633-5871/5872, poo le telefoni a le DOH ile 219.