E FAI O LENEI AE O LENA

O LE FAIGAUO A SE ANUFE MA SE 

I aso a la ua leva, sa fai ai se faigauo a se anufe telegese ma se manu sauna e fai ona apa’au, ma o le tele o taimi, e ui ina ‘ese’ese o la tiute ma vaega i lenei lalolagi ae peitai, sa fa’aalu le tele o la taimi, e talatalanoa ma tafafao faatasi ai.

I se tasi aso, sa faapea ona ula mai ai ia isi manu i le uo a le anufe.  “E mafai faapefea ona e fa’auo atu i lena anufe, e le malosi.  E le mafai foi ona ia iloa mamao mai oe, i le leaga o ona mata.”

Sa leai se tala a le manu na fai atu e tali ai ulaga a isi manu.  Ma ua o’o ai ina le toe sau le manu e asi mai lana uo o le anufe.  Ua faapea ifo le manatu o le manu, a moni le alofa o le anufe ia te a’u,e  sau lava e su’e a’u.

O aso uma, e alu ai lava le anufe e tau saili si ana uo, o le manu.  E ui lava ina le vave lana tolotolo, ae taumafai lava si anufe e saili si ana uo, o le manu.  Ma sa i’u ai lava ina vaivai lona tino ma ua salalau ai tala i le togavao, ua lata ina uma le ola o le anufe.

Ina ua fa’alogo le manu sauna i le tala e uiga i si ana uo o anufe, ua faatopetope mai e saili le anufe.  Ma maua mai ai, o lo’o nofonofo atu le anufe i lalo o se la’au.  Ma ina ua vaai atu le anufe o lo’o manuia si ana uo o le manu, sa ia ata atu ma fa’atofa atu i si ana uo.

Ma sa nofonofo le manu i tafatafa o si ana uo o le anufe, ma tagi lotulotu ai, ona ua ia toe salamo, i lana mea sa fai.

[IA MANUIA FUAFUAGA UMA O LENEI VAIASO]