E FAI O LENEI AE O LENA

ELIA – LE ELEFANE MALOSI I LE TINO MA LE MAFAUFAU

Sa iai se elefane e igoa ia Elia.  O se manu e fai o le maualuga ae o le malosi tele.  E le gata i le malosi o lona tino ae faapea lona mafaufau.  Ma o se elefane, e le fiafia i le tautala so’o, o nisi taimi e faapea ia manu o le vao, e gu gu ia Elia.

O se tasi aoauli vevela lava, sa auselasela mai ai le alii o Alope ma fai atu ia Elia, “Elia, e te le talitonu i le mea a le Pato la e fai.  O la e alu ma tala’i i tagata lou paie ma lou lapo’a, ua mafua ai ona e faiaga.  E le gata i lena, o la foi e fai i manu, e te vaivai, o le mafuaaga lea o lou le tautala.”

Ua leai se tala a Elia, ae na o le tu ma tilotilo agai i luga o mauga ona ia faapea atu lea i le Aulope, “Fa’afetai mo lou fa’ailoa mai o lea tulaga.  Ae aua e te popole, e uma ou alu e a’oa’i le alii o Pato.  Tu’u mai ia te a’u, ae alu loa e fai sau malologa.”

Ua alu fiafia Alope ma lona manatu, ua uma si alii o Pato.  Ae peitai, o le aso na soso’o ai, na toe fetaui ai Alope ma Pato.  Ua oso le le fiafia o Alope ma fa’asasa’o atu ia Elia ma fai atu, “Oi, faapea na e fai mai e aua ou te popole i le Pato la e faia ou tala.  Ae la lava e fa’aauau ona fai fa’asalalauga le totogia a le pato.  Ua tatau ona e fa’aumatia le pato le la.”

Ae toe tali atu le elefane o Elia, “Aua e te popole, tu’u mai pea ia te a’u.”

O leisi aso, na matua’i tau i le lagi le ita o le alii o Alope, ina ua ia vaai atu, o le la lava e fetamoea’i ma pisapisa o ia le pato.  Ua alu atu nei ma fai atu ia Elia, “Sole, e te pala’ai i le pato.  Se’i vaai i lou tino maualuga ma le tele, ae e fefe i le la tama’i manu.”

Ua fai atu loa Elia ia Alope, “Ia alu e aumai se piki, ma se su o ma se to’i.”

Ua alu Alope ma aumai meafaigaluega ia na fai atu ai Elia.  Ma ia faapea atu ia Elia, “Ia lena la.”

Ae sa faate’ia Alope ina ua va’ai atu, e le o alu Elia e fa’aumatia ia Pato, ae ua alu i leisi itu o le togavao ma fa’amama uma la’au sa iai ma eli le palapala ma toto ni fatu la’au.

Ua tamo’e atu le alii o Alope ma faapea atu ia Elia, “Sole, na ou faapea o le a alu e a’oa’i ia le Pato.”

Sa tali mai le elefane o Elia, “Ioe, o lea ou te a’oa’i ia Pato, ae e le fa’aaogaina ai o’u vae po o lo’u tino, po o lo’u isu malosi foi.  O pato, na fananau mai lava latou ia i le pisapisa o.  Ae o a’u, sa ou fanau mai ma lo’u tino malosi ma le lapo’a, e gaosi ma fau.  O le a le mea o le a fa’aalu valea ai fua lo’u malosi, e tali atu ai na mea o tala.  Ia o ni tala lava ma ni a. Vaai oe, la e alu le malosi o Pato e muimui a’u, ae o lea e fai la’u mea aoga, o le toto o a’u meaai.”

[IA MANUIA FUAFUAGA O TOTOE I LE FAAIUGA O LENEI VAIASO]