Aperila: Masina fa’ataua ai le puipuia o fanau ai sauaga

Pago Pago - AMERIKA SAMOA

I se poloaiga fa’alauaitele ia Aperila 03, a le Kovana Sili ia Lemanu P.S. Mauga ua ia fa’alauiloa ai le aloaia o le masina o Aperila 2023, o le Masina e Fa’ataua ai le Puipuiga o Tamaitai mai Sauaga.

“Ou te valaau atu ai i tagata uma i Amerika Samoa, ina ia faamamaluina lenei masina e ala i le o mai faatasi e u'una'ia le saogalemu ma le ola lelei o fanau ma aiga, ma amana'ia le malosi ma le mafai ona gafatia 'e tagata matutua ua sao mai le sauaina a o iti, ma  aloa'ia i latou o galulue mo le ola manuia o fanau, faapea e lagolagosua ma le faalogologotiga, e puipui a tatou fanau,” o se vaega lea o le poloaiga a le kovana sili. 

O lo’o fa’ailoa i le poloaiga e faapea, “o a tatou fanau o a tatou puna'oa pito sili, ma e matua taua mo le lumana'i manuia, tamao'aiga, ma le soifua laulelei o Amerika Samoa. Ua 'avea fo'i latou ma o tatou tagatanuu pito sili ona taiagofie i le aso”.

“E tatau mo fanau ta'ito'atasi se nofoaga saogalemu, mautu, ma se aiga e faafailele ai, i ni alalafaga latou te moomia ona u'unaia lo latou ola maloloina ma le tuputupu a’e,” o le saunoaga lea a le kovana sili. 

“E 321 lipoti na faao'o atu i tautua tau puipuiga mo tamaiti i le 2021-2022; ma o le sauaina ma le tu'ulafoa'iina o tamaiti o se faafitauli tuga e a'afia ai vaega uma  o o tatou alalafaga, ma o le maua mai o fof6, e mo'omia ai le sao ma se gaoioiga mai tagata uma.”

Ua le gata i lea, “e mafai ona faa'umi'umi a'afiaga o le sauaina o tamaiti i le mafaufau, i lagona ma le tino, ma 'e mafai ona faa'umi'umi ona a'afia ai e ua afaina.”

Ma “o tulaga e puipuia mai ai, o tu'utu'uga ia e faaitiitia pe aveesea ai lamatiaga, ma u'unaia ai aga moomia, lagona ma le tuputupu lelei o le fanau.”

Fa’ailoa foi, “e manuia faatinoga e puipuia ai le le sauaina o tamaiti ona o le faiga faapa'aga i le va o e iai le tomai i le ola lelei o tamaiti, o a'oga, soifua maloloina, alalafaga, ma faalapotopotoga tau lotu, pisinisi, faamalosi tulafono, ma aiga.”

O le mea lea, “e tatau i alalafaga ona matua taumafai e u'unaia polokalama ma faatinoga e maua mai ai fanau ma aiga e malolosi ma ola fiafia.”

Fa’ailoa i le poloaiga, “matou te faailoa atu e tatau ona tatou galulue faatasi o se potopotoga, e faatupula'ia le malamalama e faatatau i le sauaina o tamaiti, ma fai se sao i le u'unaia o le ola lelei i aga fesoota'i ma lagona filemu o tamaiti ma aiga i se si'osi'omaga saogalemii, mautu ma lelei le faafaileleina.”

Ma, “o le (nofo) puipuia o loo tumau pea o le puipuiga sili lea mo a tatou fanau ma aiga.”

Fa’amoemoe ofisa o le malo e fa’alauaitele i se aso o i luma nisi o polokalama mo Aperila e taofia ai le sauaga o fanau.