123 le Au "Malaga Saili Manuia"- fa’auuga Fagaitua High 2019

Pago Pago, AMERICAN SAMOA — O le "Malaga Saili Manuia" ua tatala atu i le to'a 123 o le vasega fa'aiuaso mai le Laumua o le Fetu i Sasa'e i Fagaitua, ina ia latou o, saili le manuia ma toe taliu mai ma le tausa'afia.

O tala o fa’auuga o lenei tausaga a le Samoa News o lo’o lagolagoina e le Paramount Builders Inc.

"Ua mautinoa e le faigofie le malaga, e lutaluta le tai e tele fo'i ina sousou, peita'i ua lotoa Toa o le Sami ua mae'a a'otauina ma ua agava'a i Tipiloma mai le Laumua i Fagaitua, e amatalia le latou folauga, o i latou lava o Toa o le Moana Sausau, le Vikings."

E to'alua togisilia i le vasega fa'aiuaso, Vaelua Misi'aita ma Tamali'i Failauga Faga. Ma ua ausia GPA 3.979. Tulaga lua fo'i e to'alua - Raelyn Agnes Grey ma Fouaimalo Fematea'i Fuimaono, ma ausia togi GPA 3.994.

Co-Valedictorians: Vaelua Pearl Misiaita & Tamalii Failauga Faga

O le sui pule a'oga ia Danielle Mose sa tolaulauina o latou suafa ma latou togi na ausia i le SAT, ASVAP, TOFEL ma GPA.

Co-Salutatorian: Raelyn Agnes Mariota Grey & Fouaimalo Fematea'i Fuimaono

Ua i ai fo'i le lisi o fanau a'oga ausia togi GPA 3.5 - 4.0 ma ua fa'amau fa'ailoga ai le fanau e to'a 24.

Saunoa le afioga i le Lutena Kovana, Lemanu Peleti Mauga i upu fa'amalosi ma fa'amalo i le fanau fa'au'u, a'o le fa'afetai fo'i a le Malo i Matua uma ma aiga, ae maise faiaoga. Sa ia toe fa'atepa le fanau i le "Malaga" ua amata nei e i latou.

"E mautinoa lava e le toe faigofie, ae aua lava ne'i tou malaga, ae tu'u le Atua, ia outou malaga ma le Atua e manuia ai. A outou o fo'i, e sousou le vasa, e tele fa'afitauli e ono lape ai outou faamoemoe na mua'i mafua ai ona tausaili. Ia toa le loto, ia tausisi i le fa'amoemoe, ma ia tau i le malosi e gata ai, ae ia outou manatua lava, o lo'o i ai le tapua'iga o lo'o tu'i le mulipapaga!"

Na fa'amatala e ia se tala i se tasi sa tautua i le Malo, peita'i na fesoasoani i ai se tasi o tama'ita'i loia lauiloa i lea a'ai, ma ina ua mae'a maua e ia le fesoasoani, sa ia fa'afetaia le tama'ita'i, peita'i na tali le tama'ita'i ia te ia, "Aua lava nei e fa'afetai mai, ae fa'afetai i le Atua ua mafai ona ia ta'ita'ia maia a'u ia te oe, ua ala ai ona fa'asoa atu le manuia."

O le tama'ita'i faia'oga o Angel Vaimauga mai Fagaitua lava, o ia fo'i sa ta'ita'i faufautua uma mo le vasega fa'aiuaso, sa faia le saunoaga fa’apitoa. O ia fo'i na fa’au’u i Fagaitua i le 2015.

"O outou o le vasega ua maoa'e la outou fa'aea ia Fagaitua mai tausaga uma ua mavae. O outou lava o le fanau a'oga ou te mitamita ai, ona o lo outou tula'i mai i tulaga tau a'oa'oga i potu a'oga,” o sana tala lea i le au fa’auu.

E lima mea na patino sa fautuaina e ia le vasega fa'ai'uaso ina ia latou malaga tausaili manuia ma ave, aua lava ne'i tu'ua. "Ia outou o ma le Atua. Aua ne'i e fa'afiapoto tele, tu'u le Atua, e mautinoa e le manuia lau sailiga. Ia outou taumafai ma saili fa'atasi ma ia talia fautuaga mai Matua ma Aiga, ia fa'alogo ma ia usiusita'i ia taunu'u lou fa'amoemoe. Aua lava ne'i e tu'ua le fa'autauta. O le sini atoa o tausinioga ia e matua fa'autauta lava i mea uma. Aua o le a le aoga o le poto, ae leai se fa'autauta, ua le aoga lava lea!"

"Po'o fea lava e o'o i ai lou atamai, ia e loto maulalo, ma ia usita'i, fa'alogo i fautuaga lelei."

Sa fa’amaonia e le faatonu sili o Aoga, Dr. Ruth Matagi-Tofiga le ‘au fa’au’u.

Mo avanoa fa'asikolasipi a le Malo na taua'aoina ia - Tamali'i Failauga Faga, Fouimalo Fematea'i Fuimaono, Raelyn Agnes Grey, ma Regina Mary Kome mo iunivesite i Amerika ua talia ai i latou.

Mo le Kolisi Tu’ufa’atasi a Amerika Samoa, e sikolasipi e lua a le malo ua maua e Lotufa'amanatu Su'a ma Misionare Onosa'i.

Class of 2019 Faga’itua High School

• Aab, Freyalena S

• Alefaio, Tuvalu

• Alo, Robert P

• Amituanai, Fa'afetai F

• Anoa'i, Lydia

• Asaeli, Jedidaiah

• Asiata, Tiliataua V

• Atisano'e, Terilynn-Richard T

• Bohanak, Curtis S

• Brown, Solo

• Etuale, Vili Palenapa P

• Emani, Pamata

• Ese, Clara F

• Esekia, Fa'amanuiaga

• Esekia, Zion

• Fa'aofo, Aaron P

• Fa'asua, Etisone Peteroni

• Fa'atea, Helesa S

• Faga, Tamali'i Failauga

• Faiilagi, Shepherd Suli Jr.

• Faiivae, Vanila K

• Falesoani, Fa'asalalau

• Falesoani, Savannah

• Faoagali, Divine Mercy S

• Farani, Peniamina

• Fegauiai, Princess Selen Fuarosa

• Finauga, Reuben

• Fiso, Steven Suafai

• Fogavai, Anastasia K

• Fouvale; Nive H

• Fuimaono, El-Shaddai F

• Fuimaono, Fouaimalo Fematea'i

• Grey, Raelyn Agnes

• Iosefa, Lalomilo J

• Isaia, Knymoraiah J

• Keli, Andrew

• Kome,Regina M

• Lafaele, Oliana P

• Lafaele, Tualamasala Falaniko

• Lagai, Leonaitasi M

• Latu, Lagiloa S

• Lausauga, Arona A

• Lautoa, Alisha Hermia

• Lavea, Michael C

• Leatigaga, Arona H

• Leituane, Esetaolealofamoni P

• Lemaota, Moetoto

• Lemautu, Fa'afetai Salvation

• Lemautu John J

• Leuta, Iloilo T

• Leutele, Anastasia

• Lopesi, Kevin L

• Lotoa, Tuaileao

• Ma'afala, Tauipetipeti

• Maliga, Faleula J

• Maloa, Junior R

• Manaea, Jezanyah D

• Manumalo, Esekia E

• Manutulila, Talsoaga

• Matalio, Tracy

• Matamua, Shaun S

• Mauganai, Fa'afetaileatua E

• Migi, Advent M

• Misiaita, Vaelua P

• Misionare, Onosa'i

• Misipati, Valentine R

• Moa, Aaone E

• Naititi, Jeffrey M

• Oa, Tuumamao

• Ofagalilo, Darryl I

• Olo, Christopher S

• Opapo, Olaivavega T

• Paletaleo, Nicole S

• Poloa, Seila Sharron

• Ponausuia, Tyler T

• Pulou, Anna Temukisa F

• Rarotonga, Galuefa

• Sagale, Taleni

• Salatielu, Manumalo Mose Jr.

• Samiu, Sinaalofaagataua J

• Satele, Drayton J

• Sautia, Iosia

• Savea, Jerryboy T

• Savusa, Nella

• Seiuli, Fa’afou

• Seuava, Nauvaoo

• Seumanutafa, Mark E

• Siatunu’u, Taumanupepe

• Siuta, Sisi

• Sosene, Lupeina Sulu

• Su’a, Lotufa’amanatu

• Taala, Siatumotu M

• Tagoa’i, Davina L

• Taleni, Marie E

• Tariu, Tausaga Junior

• Tevita, Semi O

• Tevita, Tevita O

• Thompson, Fuamatala F

• Tipoti, Mikey M

• Toala, Namuali’i P

• Tofiga, Martha M.L

• Tofiga, Mary M.A

• Togafau, Derrick L

• Toluafe, Taraolucinda C

• Tu’u, Lucas Z

• Tuimalo, Konelio

• Tuifaiga, Fau F

• Uiagalelei, Lomani A

• Uili, Malia

• Ula, Fala

• Unutoa, Ho’enfels G

• Usita’i, Stefanie M

• Uti, Ken

• Vaeoso, Marvelous H

• Vaeoso, Miracle I

• Vaimauga, Gerrison M

• Vaouli, Manatua A

• Vasa, Muluvaimaila Destiny

• Vele, Sosefina Roseann

• Velega, Kadaynna

• Viliamu, Imo

• Visesio, Ginnetheen S